खानलाई खानेपानी दिएपछि रुष्ट

न्यूज ब्यूरो, जनकपुरधाम । प्रचण्डको नेतृत्वमा भएको मन्त्रीपरिषद् विस्तारको क्रममा जनमत पार्टीबाट मन्त्री पदको सपथ लिएका अब्दुल खानलाई खानेपानी मन्त्रालय दिएपछि उनी रुष्ट भएका छन् ।

मँगलबार विहान टुँगो लागेको मन्त्रालय भागबण्डाको क्रममा वाणिज्य, आपूर्ति मन्त्रालयको आसमा बसेका जनमत पार्टीलाई खानेपानी मन्त्री दिएपछि कार्यभार सम्हाल्न गएका छैनन् ।

मंगलबार गरिएको मन्त्रिपरिषद् विस्तारमा जनमत पार्टीलाई खानेपानी मन्त्रालय परेको थियो ।

पार्टीसँग छलफल नगरी मन्त्रालयको बाँडफाँड गरिएको प्रति आफ्नो दलको असहमति रहेको खानले बताए ।

‘प्रधानमन्त्रीसँग भएको सहमति अनुसार भएन । हाम्रो चाहना अनुसारको मन्त्रालय पनि भएन’, खानले भने, ‘छलफल नै नगरी तोकिएको मन्त्रालयमा कार्यभार सम्हाल्ने कुरा पनि भएन ।’

प्रधानमन्त्रीसँग थप छलफल नगरी मन्त्रालयको कार्यभार सम्हाल्ने अवस्था नरहेको उनले बताए । जनमत पार्टीले उद्योग, वाणिज्य तथा आपुर्ति मन्त्रालयको दाबी गरेको थियो । उक्त मन्त्रालय एमालेको भागमा परेको छ ।

प्रधानमन्त्री पुष्पकमल दाहाल प्रचण्डले शपथ लिएकै दिनमा खानले विना विभागीय मन्त्रीको रुपमा शपथ लिएका थिए ।