करेन्ट लागेर मृत्यू भएका गुप्ता परिवारलाई गाँपा अध्यक्ष यादवद्धारा चेक हस्तान्तरण

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकाका अध्यक्ष दिपिनदेव यादवले एक पीडित परिवारलाई चेक हस्तान्तरण गरेका छन् ।

विहिबार जनकनन्दिनी गाउँपालिका वडान नम्बर ६ कठालस्थित बिजुली करेन्ट लागेर अल्पायूमै ज्यान गुमाएका एक पीडित परिवारलाई गाउँपालिकाको तर्फबाट २५ हजार रुपैयाँको चेक हस्तान्तरण गरेका हुन् ।

गत असार २५ गते आफ्नै घरमाथि एलिबेस्टर चढाउने क्रममा नजिकै रहेको बिजुलीको तारमा छोएपछि ज्यान गुमाएका स्थानीय मृतक पशुपति गुप्ताको परिवारलाई सो चेक हस्तान्तरण गरिएको हो ।

गाउँपालिकाको विपद व्यवस्थापन कोषबाट पीडित परिवारले पाउनुपर्ने रकम बमोजिमको चेक उनको श्रीमतिलाई कार्यालयमै बोलाएर चेक हस्तान्तरण गरेका हुन् ।

घरमुली र कमाउने सदस्य नै गुमेपछि आर्थिक स्थितिले तँगी भागिरहेको गुप्ता परिवारलाई आर्थिक सहयोग गरिएको अध्यक्ष यादवले बताए ।