'दिलिप महतोको मुद्दा तुरुन्तै फैसला नभए अदालतमै बम पकाउँछौँ'

न्यूज ब्यूरो, जनकपुरधाम । पर्यावरण अभियानी दिलिप महतो हत्याको विरोधमा युथ एसोसिएसन अफ नेपाल–यानले विभिन्न ठाउँमा विरोध तथा श्रद्धाञ्जली कार्यक्रम गरेका छन् ।

सोही क्रममा केन्द्रीय राजधानी काठमाडौंको माइतीघरमा गरिएको विरोध कार्यक्रममा एक युवकले यथाशिघ्र मुद्दा फैसला नभए अदालतमै बम पडकाउने चेतावनी दिए ।

कार्यक्रममा युवाहरुले दिलिपलाई सहिद घोषणा गर्न विभिन्न नाराहरु लगाउँदै सोही कार्यक्रममा सहभागी भएका युवा शिव यादवले तुरुन्तै फैसला नभए अदालतमा बम पड्काउने सम्मको चेतावनी दिए।

दिलिपको तेस्रो स्मृति दिवसमा मधेस प्रदेशको राजधानी जनकपुरको रामानन्द चौक, महोत्तरीको बर्दिबास, महोत्तरीको गौशाला लगायतका स्थानहरुमा यानले कार्यक्रमको आयोजना गरेको हो ।

गत २०७६ साल पुस २५ गते को दिन ओम प्रकाश महतो दिलिप लाई अबैध खोला उत्खनन रोक्न गएको बेला टिपरले किचेर हत्या गरिएको थियो। महतोलाई पहिलो पर्यावरण सहिद घोषणा गर्न र हत्यारालाई कडा कार्यवाही गर्न विगत तीन वर्ष देखि यानले निरन्तर आवाज उठाउदै आएका छन।

यानको संस्थापक अध्यक्ष राहुलराज बसन्तपुरको नेतृत्वमा माइतीघर स्थित भएको कार्यक्रममा सयौँ युवाको उपस्तिथि रहेको थियो।

कार्यक्रममा दिलिपको पुरै परिवार, यानका पदाधिकारी, सदस्य, टिएमएनसी अध्यक्ष सरोज राय, उपाध्यक्ष अभाष गुरु, दिलिप महतो प्रतिष्ठानको अध्यक्ष फुल्गेन मगही, महोत्तरी संजालको अध्यक्ष चुडामणिा यादव लगायत कयौं अभियानी र युवाहरुको उपस्तिथि रहेको थियो।

त्यस्तै यान सदस्य आदित्य उपाध्ययको नेतृत्वमा जनकपुरको रामानन्द चौकमा करिब दुई दर्जन युवाहरुको बिच कार्यक्रम सप्पन्न भएको छ। त्यस्तै महोत्तरी बर्दिबासको कार्यक्रम गंगा साह र गौशालाको कार्यक्रम यान सचीव मनोहर यादवको नेतृत्वमा सम्पन्न भएको थियो ।