जसपा सँसदीय दल नेतामा रामअशिष ब्याक, सरोजलाई समर्थन, अब सरोज–लालबाबुको टक्कर

न्यूज ब्यूरो, जनकपुरधाम । जनता समाजवादी पार्टी (जसपा) नेपालको मधेश प्रदेश सँसदीय दलको नेताको लागि अब दुई जना मात्र मैदानमा उत्रिने भएको छ ।

जनकपुरधामस्थित पार्टी कार्यालयमा भएको मनोयन दर्तामा मात्र सरोज यादव र लालबाबु राउत गद्दीले मनोयन दर्ता गराएका छन् ।

आईतबारसम्म लालबाबु राउत र रामअशिष यादवबीच मात्र भिडन्त हुने अनुमान गरिएपनि राती मिलाएको नयाँ समिकरणमा लालबाबु राउत र सरोज यादवबीच भिडन्त हुने भएको छ । दुई जनाले ११ बजेसम्म तोकिएको समयमा मनोयन दर्ता गराएका हुन् ।

मैदानमा रामअशिष यादव रहेपनि उनले अन्नतः सरोज यादवलाई समर्थन गरेका छन् । उनका साथै मनिष सुमन र सँजय यादव समेत मैदानमा रहेपनि उनीहरुले समेत सरोज यादवलाई नै समर्थन दिएपछि अब सरोज यादव बलियो देखिएपनि आन्तरिक समर्थनले प्रतिष्पर्धा समेत टक्करको हुने देखिएको छ ।

१६ जनामा ४ जना उम्मेदवार पार्टीको प्रतिष्ठाको लागि समेत नराम्रो हुने भन्दै आफू ब्याक भएको रामअशिष यादवले बताए । धनुषा निर्वाचन क्षेत्र नम्बर २ (ख) बाट निर्वाचित साँसद यादवले लालबाबु राउत यसअघि रहिसकेको र परिवर्तनको लागि सरोज आउनुपर्ने धारणा राख्दै सरोजलाई समर्थन गरेको बताए ।

उनले पार्टीको प्रतिष्ठा, साख जोगाउन पनि लालबाबु राउत फेरिनुपर्ने धारणा राख्दै मनिष सुमन र सँजय यादवले सरोजलाई नै समर्थन दिने सहमत भएको बताए ।

आन्तरिक रुपमा रामअशिष यादव, मनिष सुमन, सरोज यादव र सँजय यादव समेत दलको नेताको उम्मेदवार थिए ।