जनमतको सँसदीय दलको नेतामा यादव चयन

न्यूज ब्यूरो, जनकपुरधाम । डा. सिके राउत नेतृत्वको जनमत पार्टीको मधेश प्रदेश सँसदीय दलको नेतामा महेश प्रसाद यादवलाई चयन गरिएको छ ।

शनिबार बसेको पार्टीको बैठकबाट सप्तरी निर्वाचन क्षेत्र नम्बर २ (ख) बाट निर्वाचित भएका प्रदेश साँसद महेश प्रसाद यादवलाई सँसदीय दलको नेतामा चयन गरिएको हो ।

यस्तै, दलको प्रमुख सचेतकमा साँसद चन्दन कुमार सिँहलाई चयन गरिएको छ भने सदस्य सचिवमा शम्भु साहलाई चयन गरिएको छ ।

जनमत पार्टीले कोषाध्यक्षमा भाग्यश्री कुमारी चौधरीलाई चयन गरेको हो ।