जनकपुरः मोसा दुर्घटना हुँदा एक युवकको मृत्यू

न्यूज ब्यूरो, जनकपुरधाम । मधेश प्रदेशको राजधानी जनकपुधाम क्षेत्रस्थित मोसा (मोटरसाईकल) दुर्घटना हुँदा एक जना युवकको ज्यान गएको छ ।

धनुषा जिल्लाको तिनकोरियाबाट यदुकूहा तर्फ जाँदै गएको अवस्थामा विहिबार बिहान शहिदनगर नगरपालिका वडा नम्बर ६ हठ्ठिपुरस्थित मोटरसाईकल दुर्घटना हुँदा युवकको ज्यान गएको हो ।

महिनाथपुर–वीरेन्द्रबजार सडकखण्ड अन्तर्गत बिहानै हठिपुरस्थित रहेको कलभर्टका पोलमा मोटरसाईकल ठोक्किँदा धनुषाको कमला नगरपालिका वडा नम्बर ८ हरिने बस्ने दुखी ठाकुरको अन्दाजी २८ बर्षिय छोरा रामचन्द्र ठाकुरको मृत्यू भएको हो ।

ठाकुरले चलाएको मधेश प्रदेश २–००६ प १८१९ नम्बरको मोटरसाइकल कलभर्टको पोलमा ठोकिएर दुर्घटना भएको हो । उनी तिनकोरियादेखि यदुकोहा तर्फ जाँदै थिए ।

दुर्घटनामा परेर गम्भीर घाइते भएका ठाकुरलाई उपचारको लागि जनकपुर ल्याउँदै गर्दा बाटोमा मृत्यु भएको धनुषाका प्रहरी नायव उपरीक्षक प्रदीप बहादुर क्षेत्रीले जानकारी दिए।