यादवलाई फेरी पछारे यादव, रामको पोलमा कृष्णाको गोल

न्यूज ब्यूरो, जनकपुरधाम । मधेश प्रदेशमा नेपाली काँग्रेसको सँसदीय दलको नेतामा कृष्णा यादव निर्वाचित भएका छन् ।

विहिबार अपरान्ह भएको चुनावी प्रक्रियामा नेपाली काँग्रेसको मधेश प्रदेश अध्यक्ष समेत रहेका कृष्णा यादव प्रदेशको सँसदीय दलको नेतामा समेत चयन भएका छन् ।

विहिबार धनुषाका रामसरोज यादव र रौतहटका कृष्णा यादवले काँग्रेसको सँसदीय दलको नेताको लागि भिडेका थिए ।

चुनावी प्रक्रियाबाट भएको सँसदीय दलको नेताको छनौटको क्रममा कृष्णा यादव १८ मत र रामसरोज यादव ४ मत पाएका छन् ।

रामसरोजभन्दा कृष्णा यादवले १४ मत अधिक ल्याएर सँसदीय दलको नेतामा चयन भएका छन् ।

दलका नेतामा निर्वाचित यादव रौतहट क्षेत्र नम्बर १ (२) बाट निर्वाचित सांसद हुन् । उनले पार्टीको प्रदेश सभापतिमा पनि रामसरोजलाई पराजित गरेका थिए ।