मधेश प्रदेशमा जनमत र जसपाले आलोपालो नेतृत्व गर्ने सहमतिको प्रयास

न्यूज ब्यूरो, जनकपुरधाम । संघीय नेपालको मधेश प्रदेशमा जनमत पार्टी र जसपा नेपालले आलोपालो सरकार चलाउने सहमति लगभग पक्का भएको छ ।

सत्ता साझेदार दलहरुले प्रदेश सरकारहरुको नेतृत्वमा भागवण्डा गरे अनुसार मधेस प्रदेशमा जसपा समाजवादी र जनमत पार्टीले आलोपालोमा नेतृत्व गर्ने गरी नेकपा एमालेले ४ र नेकपा माओवादी केन्द्र २ ओटा प्रदेशको नेतृत्व गर्ने सहमती भएको छ ।

अन्य दलहरुलाई आवश्यक्ता अनुसार सहभागी गराउने सहमती भएको हो ।

मधेस प्रदेशको नेतृत्वमा जनता समाजवादी र जनमत पार्टीबीच आलोपालो गर्ने गरी सहमतिको प्रयास भइरहेको बताइएको छ ।

१०७ सदस्यीय प्रदेशसभामा एमाले २३ सिटसहित पहिलो दल हो भने जसपाको १६, जनमतको १३ र माओवादी केन्द्रका ८ सांसद छन् ।