जनकपुरः मोसा दुर्घटना हुँदा एक जना ठहरै, एकको अवस्था गम्भिर !

न्यूज ब्यूरो, जनकपुरधाम । मधेश प्रदेशको राजधानी जनकपुरधाम क्षेत्रस्थित मोसा (मोटरसाईकल) दुर्घटना हुँदा एक जनाको मृत्यू भएको छ भने एक जनाको अवस्था गम्भिर रहेको छ ।

धनुषा जिल्लाको मिथिला नगरपालिका वडा नं. ६ ढल्केवरभन्दा पूर्व भएको सवारी दुर्घटनामा एक जनाको घटनास्थलमै मृत्यू भएको जनाइएको छ । यद्यपी, प्रहरीले भने अस्पतालमा उपचारको क्रममा मृत्यू भएको जानकारी दिएको छ ।

ईलाका प्रहरी कार्यालय ढल्केवरका अनुसार ढल्केवरभन्दा पूर्व रहेको बसही पूलभन्दा अगाडी र श्रीपुरभन्दा ५०० मिटर पछाडी बसले मोटरसाईकललाई ठक्कर दिदाँ दुर्घटना भएको हो ।

बसही पुल नजिक श्रीपुर नपुग्दै ज १२ प १४९२ नम्बरको मोटरसाईकललाई बसले ठक्कर दिएको जानकारी प्राप्त भएको ईलाका प्रहरी कार्यालय ढल्केवरले जनाएको छ ।

उनीहरुको पहिचान अझै खुल्न सकेको छैनन् भने एक जनाको उपचार जनकपुरको प्रादेशिक अस्पतालमा भईरहेको छ । एक जनालाई चिकित्कसले मृत घोषित गरेको जानकारी प्रहरीले दिएको हो ।

अहिले बस र मोटरसाईकल प्रहरीको नियन्त्रणमा रहेको छ ।