'मधेशी समुदायसँग मेल नखाएपछि मुस्लिम र थारुलाई मधेशी कलस्टरबाट हटाइयो'

न्यूज ब्यूरो, जनकपुरधाम । अहिले समाजिक सँजालमा चर्चामा रहेको मधेशी, मुस्लिम र थारुबीचको मधेशी पहिचानप्रति मधेशी आयोगले स्पष्टीकरण दिएको छ ।

समाजिक सँजालसहित विभिन्न माध्यमबाट मधेशी आयोगले थारु र मुस्लिमलाई मधेशी आयोगको सूचिबाट हटाएको सन्दर्भमा मधेशी समुदायसँग मेल नखाएको भन्दै हटाइएको स्पष्टिकरण दिएको छ ।

मधेशी आयोगको उपसचिव सबिता डंगोलले बिहिबार एक प्रेस विज्ञप्ति जारी गर्दै “मधेशी आयोगले थारु र मुस्लिम आयोगका अध्यक्ष सहितको पदाधिकारीहरुले सार्वजानिक रुपमा थारु र मुस्लिम समुदायको अलगै पहिचान र सभ्यता रहेको र सो मधेशी समुदाय संग मेल नखाने भएकोले गर्दा मधेशीको सूचीमा राख्नु गलत कदम भएकोले हटाइएको तर्क पेश गरिएको छ ।

यसको साथै, मधेशीको सुचीबाट हटाउन प्रेस विज्ञप्ति निकालेकोले यस्तो निर्णय गरेको र यसमा मधेशी आयोगको विरोध गर्नुपर्ने कुनै तर्क नरहेको जानकारी दिएकी छन् ।

थारु र मुस्लिम आयोग संगै थारु साहित्य समाज, थारु कल्याणकारिणी सभा लगायात दर्जनौ संघ–संस्थाहरुले मधेशी आयोगमा थारु र मुस्लिम लाई मधेशी को सुची बाट हटाउन निवेदन दिएको आयोगका अध्यक्ष डा. विजयकुमार दत्तले जानकारी दिएका छन् ।

आयोगका अध्यक्ष डा.दत्तका अनुसार सरोकारवाला संवैधानिक आयोगहरुले नै हामी मधेशी होइनौ भनेपछि मधेशी आयोगले सो निर्णय गरेको बताएका छन् ।

मधेशी आयोगले मुस्लिम र थारु लाई मधेशी को सूची बाट हटाएको छ । मधेशी आयोग द्वारा गरिएको ूनेपालमा मधेशी समुदायको थर सूचीकरण–२०७८” को उपसमूह–१ मा रहेको थारु र २ मा रहेको मुस्लिमलाई हटाएको उल्लेख गरिएको हो ।

मधेशी आयोगले मुस्लिम र थारुलाई मधेशीको सूचीबाट हटाएको कुरा अहिले नेपाल भरी सामाजिक संजालमा चर्चाको विषय बनेको छ ।