स्कूलमा शिक्षकले छात्रामाथि दुरव्यवहार गरेको भन्दै झडप, ५ प्रहरी घाईते

न्यूज ब्यूरो, रौतहट । रौतहटमा एक विद्यालयमा छात्रामाथि शिक्षकले दुरव्यवहार गरेको भन्दै झडप भएको छ ।

रौतहट जिल्लाको यमुनामाई गाउँपालिका वड़ा नम्बर ४ मा रहेको जनता माध्यमिक विधालयको शिक्षकले नाबालिक छात्रा सित दुव्र्यवहार गरेको विषयमा स्थानीय र प्रहरी विच झड़प भएको छ ।

विद्यालयको कक्षा ५ मा अध्यनरत नाबालिका छात्रालाइ सोही विद्यालयका शिक्षक बिरेन्द्र सिंहले दुर्व्यवहार गरेको भन्दै आक्रोशित अभिभावकहरुले शिक्षक सिंह माथि आक्रमण गर्न खोज्दा झड़प भएको हो ।

नाबालिकालाइ दुर्व्यवहार गर्ने शिक्षक माथि अभिभावकहरुले आक्रोशित भएर कुटपिट गर्न खोज्दा भीड़ नियंत्रण गर्नको लागि प्रहरीले २ राउण्ड आश्रु ग्यास प्रहार गरेको जिल्ला प्रहरी कार्यालय रौतहटका प्रहरी नायव उपरीक्षक उमाशंकर यादवले जानकारी दिएका छन ।

स्थानियहरुले प्रहरी माथि गरेको ढुङ्गा प्रहारबाट प्रहरी नायव निरीक्षक , एक प्रहरी सहायक निरीक्षक सहित ५ जना प्रहरी सामान्य घाइते भएका हुन ।

विद्यालय ज्ञानका मंदिर भनिए पनि गुरुको भूमिकामा रहेका शिक्षकले विधार्थीसित दुरव्यवहार गर्नु निंदनीय रहेको भन्दै स्थानियहरुले शिक्षक सिंह माथि कानूनी कार्यवाही गर्न जोड़दार रुपमा मांग गरेका छन ।

महिला हिंसा विरुद्धको १६ दिने अभियान चलिरहेको समयमा छात्रा सित एउटा शिक्षकले गरेको दुर्व्यवहार महिला तथा बालबालिका प्रतीकों अन्याय रहेकोले कडा रुपमा कÞानूनी कार्यवाही गर्नु पर्ने महिला अधिकारकर्मीहरुको मांग रहेको छ ।

घटनाको सम्बन्धमा थप अनुसन्धान भैरहेको जिल्ला प्रहरी कार्यालय रौतहटले जनाएको छ ।