थर मिल्दैमा मेरै भाउजु हो भनेर भन्न मिल्छ ?: डा. सिके राउत

न्यूज ब्यूरो, जनकपुरधाम । जनमत पार्टीका राष्ट्रिय अध्यक्ष एवम् सप्तरी निर्वाचन क्षेत्र नम्बर २ का प्रतिनीधिसभा सदस्य डा. सिके राउतले थर मिल्दैमा मेरै परिवार हो भनेर मिथ्या आरोप नलगाउन आग्रह गरेका छन् ।

जनमत पार्टीकी राष्ट्रिय उपाध्यक्ष बबिताकुमारी इसर (राउत) लाई थरकै आधारमा मेरै भाउजु भन्दै परिवारवाद गरेको आरोपलाई खण्डन गर्दै डा. राउतले थरको आधारमा परिवारवादको भ्रामक आरोप नलगाउन आग्रह गरेका छन् ।

डा. सिके राउत आफू सप्तरीको महादेवा गाउँपालिकाको रहेको बताउँदै बबिता ईसर (राउत) सप्तरीको रुपनी गाउँपािलकामा रहेको प्रष्टयाएका छन् । “थर मात्र मिल्दैमा मेरै भाउजु हो भनेर विपक्षीहरुले गलत भ्रामक तथ्यहरु समाजिक सँजालमा प्राचार गरेको पाइएको छ ।”

बागमती प्रदेशको मुख्यमन्त्री तथा मन्त्रीपरिषद कार्यालयमा जनमत पार्टीकी उपाध्यक्ष श्रीमती बबिता इसरको नेतृत्वमा बागमती प्रदेशका मुख्यमन्त्री राजेन्द्र प्रसाद पाण्डे समक्ष ध्यानाकर्षण सहित ज्ञापन पत्र बुझाउँदै ।

महाधिवेशनबाट निर्वाचित सदस्य समेत रहेकी बबिता राउत ईसर (राउत) ले २०७१ सालको स्वराज आन्दोलनमा सक्रिय भाग लिँदा गिरफ्तारी दिएको नेतृ रहेको डा. राउतले बताए ।

२०७१ सालबाटै स्वराज आन्दोलन हुँदै जनमत पार्टीमा सक्रिय भएर लाग्दै आएकी बबिता ईसर (राउत) पार्टीको महाधिवेशनबाट निर्वाचित भएर आएकी पदाधिकारी समेत रहेको उनले बताए ।

उनले भने–“थर मात्र मिल्दैमा मेरै भाउजु हो भनेर आरोप लगाउनु भएन नी ?, अब भोलीको दिनमा कोहीले अभिनेत्री बर्षा राउत, कँगना रावतलाई मेरै भाउजु हो भनेर भन्न मिल्छ त ? मेरो घर सप्तरीको पूर्वमा छ, उहाँको सप्तरी जिल्लाको पश्चिम तर्फ छ ।”

यसको साथै, आफ्नै जेठा दाई जयकान्त राउतलाई टिकट दिएको आरोपछि डा. राउतले जयकान्त राउतको योग्दानको बारेमा उल्लेख गरेका छन् । उनले स्वराज आन्दोलनको बेला उनकै घरमा भुंईमा सुतेर किताबहरु लेखेको बताए ।

उनले आफूले लेखेको किताबहरुको सबै पहिलो ड्राफ्ट पढेर क्लीयर गर्ने एक मात्र व्यक्ति जयकान्त राउत रहेको उल्लेख गरेका छन् ।

“स्वराजको आन्दोलनको जब सुरुवात भयो, २०६८ सालमा, हाँकै निवासमा भुईमा सुतेर किताबहरु लेखे । २०७१ सालमा सुन्धाराको आन्दोलनमा गिरफ्दारी दिनुभएको थियो पटक–पटक । प्रहरीबाट पटक पटक यातना पाएका व्यक्ति हुन जयकान्त राउत ।”

उनले सरकारसँग वार्ता गर्ने मुख्य वार्ताकार जयकान्त राउत नै रहेको प्रष्टयाएका छन् । जनमत पार्टीको घोषणा पत्रसम्म समेत तयार पार्ने जयकान्त राउतले जेठो दाई भएकै कारण राजनीतिमा आउनै नपर्ने भन्नु जायज नरहेको बताए ।

उनले जयकान्त राउत नास्टको वैज्ञानिक रहेको, कृषि विज्ञ रहेर काम गर्दै आउनुभएको बताउँदै मेरै भाई भएर राजनीतिमा आउनै पर्दैन भनेर भन्नु कतिको जायज हो ? उनले प्रश्न तेर्साए ।

डा. सिके राउतले जनमत पार्टीमा आफ्नो योग्दान, सँघर्ष र जनमतबाट चुनिएका पदाधिकारीहरुले चुनाव लडेको प्रष्टयाए । थर मिल्दैमा परिवारबादको भ्रमित नारा नलगाईदिन आग्रह गरे ।