धनुषा ४ मा अन्तिम वडाको मतगाण्ना जारी, सूर्य ६० मतले अगाडी

न्यूज ब्यूरो, जनकपुरधाम । धनुषाको निर्वाचन क्षेत्र नम्बर ४ मा अहिले रोचक प्रतिस्पर्धा जारी रहेको छ ।

गत मँसिर ४ गते नै सम्पन्न भएको प्रतिनीधिसभा सदस्य एवम् प्रदेशसभा सदस्य निर्वाचनको लागि अहिले मतगणना जारी रहँदा रातीसम्म नेपाली काँग्रेसका महेन्द्र यादवले लिएको अग्रतालाई ढाल्दै एमालेका रघुवीर महासेठले अग्रता लिएका छन् ।

बिहान ८ बजेसम्म मिथिला नगरपालिका वडा नम्बर ९ को अन्तिम वडा मतगणना जारी रहँदा एमालेका रघुवीर महासेठले ६० मतको अग्रता लिएका छन् । मतगणना अझै जारी रहेको छ ।

दुवै जना प्रतिस्पर्धीबीच एकदमै रोचक प्रतिस्पर्धा भईरहेको छ भने दुवै दलको समर्थकबीच ढुकढुकी बढदै गएको छ ।