धनुषामा काँग्रेसले खोल्यो खाता, धनुषा ३ बाट छत्ताको पत्ता साफ

न्यूज ब्यूरो, जनकपुरधाम । विभिन्न ठाउँमा मतगणना अझै जारी रहँदा धनुषामा नेपाली काँग्रेसले खाता खोलेको छ ।

धनुषा जिल्लाको निर्वाचन क्षेत्र नम्बर ३ को (क) बाट नेपाली काँग्रेसका रामसरोज यादव निर्वाचित भएका छन् । उनका निकटम प्रतिद्धन्द्धी जसपाका जीतेन्द्र यादवलाई हराउँदै राम सरोज यादव विजयी भएका हुन् ।

उनले १७ हजार २९ मत प्राप्त गरी जसपाका जीतेन्द्र यादवलाई पराजित गरेका हुन् । निकटतम प्रतिद्वन्द्वी जितेन्द्र यादवले १३ हजार चार सय ५९ मत प्राप्त गरेका हुन् ।

एमाले पार्टीसँग गठबन्धन गरेको जसपाले जुलीको भरमा पनि सो क्षेत्र जित्न सकेनन् । दुई दलिय गठबन्धनमा एमाले सो क्षेत्रमा बलियो सँगठन मानिएको छ ।

यस क्षेत्रमा प्रतिनिधिसभामा भने एमाले उम्मेदवार जुलिकुमारी महतो अग्रस्थानमा छन् । उनले १८ हजार आठ सय ४८ मत प्राप्त गर्दा लोकतान्त्रिक समाजवादी पार्टी ९लोसपा० का अनिल झा १३ हजार आठ सय ६५ मतसहित पछ्याइरहेका छन् ।