धनुषा निर्वाचन क्षेत्र नं. २ मा एमालेका उमाशँकर अरगरियाको दोब्बर मतले अग्रता

न्यूज ब्यूरो, जनकपुरधाम । धनुषा निर्वाचन क्षेत्र नम्बर २ मा नेकपा (एमाले) का उमाशँकर अरगरियाले प्रतिद्धन्द्धी रामकृष्ण यादवसँग दोब्बर मतले अग्रता लिएका छन् ।

सोमबार रातीदेखि सुरु भएको मतगणनाको विहान ७ बजेसम्मको मतपरिणाम अनुसार एमालेका अरगरियाले ३१७८ मत प्राप्त गरेका छन् भने उनका निकटतम प्रतिद्धन्द्धी रामकृष्ण यादव १७७१ मत प्राप्त गरेका छन् ।

सोही क्रममा जसपाका गँगाराम यादवले भने १४५९ मत प्राप्त गरी तेस्रो स्थानमा छन् भने नेकपा एकिकृत समाजवादीबाट रामचन्द्र झा ११९० मत प्राप्त गरी चौथो स्थानमा रहेका छन् ।

सो क्षेत्रमा जनमत पार्टीका जयनारायण साहले भने अहिलेसम्म ९०० मत प्राप्त गरी पाँचौ स्थानमा रहेका छन् ।