धनुषामा मतदान अधिकृत नै सूर्य छापमा भोँट खसाल्न दबाब दिएको भन्दै बुथमै हल्ला

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित एक बुथमा मतदान अधिकृतले नै एमाले पार्टीको सूर्य छापमा भोँट मागेको भन्दै हल्ला भएको छ ।

धनुषा जिल्लाको नगराईन नगरपालिका वडा नम्बर ६ लगमाको पूर्वारी टोलस्थित रहेको राप्राबि बुथमा मतदान अधिकृत गणेश साहले नै सूर्य छापमा भोँट खसाउन भनेपछि हल्ला मचेको हो ।

नेकपा (समाजवादी) पार्टीबाट समानुपातिक तर्फकी उमेदवार बेद कुमारी मण्डलले मतदान केन्द्रमा मत खसाल्न एवम् अनुगमनमा गएपछि पोलिएजेन्टलाई उदृत गर्दै अधिकृत साहले एमालेको भोंट मागेको आरोप लगाएकी हुन् ।

सो मतदान केन्द्रमा अधिकृत साहको गतिविधिप्रति ध्यान राख्दै समाजवादीका पोलिएजेन्टहरुले पटक पटक सम्झाएपनि उनी एमालेको सूर्य छापमा मत हाल्न मतदातालाई दबाब दिएको आरोप छ ।

अधिकृत साहले एमालेसँग मोटो रकम लिएर मतदातालाई मतदान केन्द्रमै भ्रमित गरेको आरोप उनले लगाएकी हुन् । “उनी अधिकृत होइनन, उनी त एमालेको कार्यकर्ता हो, उनलाई सुनुयोजित रुपमा यहाँ खटाइएको छ ।”– उम्मेदवार मण्डलले आरोप लगाईन् ।

सो मतदान केन्द्रमा उम्मेदवार मण्डललाई भित्र प्रवेश गर्न नदिएको आरो लगाउँदै केही बालेटपेपर (मतपत्र) मा अधिकृतको साईन नै नभएको मतपत्रहरु दिएको आरोप समेत लगाइएको छ ।

हल्लापछि सर्वदलिय नेता, उम्मेदवार, सुरक्षाकर्मीहरुबीच छलफल भएर मतदान कार्य जारी राखिएको बताईएको छ ।

यस सन्दर्भमा मतदान अधिकृत गणेश साहको सम्पर्क नम्बर मा सम्पर्क गर्दा उनले फोन उठाएनन् ।