सर्लाहीमा झडप हूँदा एक वृद्धको मृत्यू, आधा दर्जन घाईते

न्यूज ब्यूरो, सर्लाही । सर्लाहीमा दुई समूहबीच झडप हुँदा एक जनाको मृत्यु भएको छ ।

गोडैटा नगरपालिका–६ मा दुई समूहबीच झडप हुँदा गोडैटा नगरपालिका–६ का ६५ वर्षीय राम केवल रायको मृत्यु भएको हो । शनिबार राति झडपमा परी गम्भीर घाइते भएका रायको उपचारका क्रममा आइतबार जनकपुरमा मृत्यु भएको हो ।

घटनामा दुवैतर्फबाट ढुंगामुडा भएको प्रहरीले जनाएको छ । झडपमा परी दुवै समूहका आधा दर्जन घाइते भएका छन् ।

घाइतेहरूको जिल्लाको प्रदेशिक अस्पताल मलंगवा तथा स्थानीय स्वास्थ्य संस्थामा उपचार भइरहेको जिल्ला प्रहरीका प्रमुख एसपी प्रविण पोखरेलले जानकारी दिए ।

झडपमा संलग्नमाथि अनुसन्धान भइरहेको प्रहरीले जनाएको छ ।