उम्मेदवार भगवत्तिको प्रतिवद्धताः 'समस्या परे कल गर्नुस, ५ मिनेटमा हाजिर हुन्छु'

न्यूज ब्यूरो, सुनसरी । सुनसरी क्षेत्र नं ३ कि प्रतिनिधी सभा सदस्य उम्मेद्वार नेकपा एमाले नेतृ भगबती चौधरीले ग्रामिण क्षेत्रका बिपन्न महिलाहरूलाइ स्वोरोजगार बनाउने तर्फ बिभिन्न योजनाहरू बनाएर कार्यानवयन गरिरहेको बताएकी छिन् ।

सुनसरी क्षेत्र नं ३ अन्तरगत दुहबी , ३ र ५ का मतदाताहरूलाइ उम्मेद्वार चौधरीले परिआएको खण्डमा जस्तो सुकै सहयोग गर्न पनि आफु पछि नपर्ने बताएकी हुन् ।

यस अघि पनि फरवार्ड माइक्रो फाइनान्सबाट सो क्षेत्रमा धेरै बिपन्न महिलाहरूलाइ उद्यमी बनाइसकेको भन्दै उनले फेरी पनि कुनै समस्या फोन गर्न र फोन गरेको ५ मिनेटमै आफु हाजिर हुने प्रतिवद्धता ब्यक्त गरेकी हुन् । यो मेरै गाँउ ठाँउ हो म तपाइकी छोरी हु कुनै समस्या भए फोन गर्नुस म ५ मिनेटमा हाजिर हुनेछु उम्मेद्वार चौधरीले भनिन्।

चौधरीले यस क्षेत्रमा रहेका बिपन्न महिलाहरूलाइ आत्मनिर्भर बनाउने तर्फ आफु तत्पर रहेको बताइन् । उम्मेद्वार चौधरीले आफ्नो क्षेत्रको विकास र समृद्धिकै लागि राजनीतिमा लागेको बताउँदै निर्वाचन जितेपछि ३० वर्षमा हुन नसकेको विकास निर्माणको काम ५ वर्षमा गरेर देखाउने प्रतिबद्धता ब्यक्त गरेकी हुन् ।

चुनाव जितेर सिंहदरबार प्रवेश गर्ने अवसर पाए सुनसरी ३ का सामाजिक, आर्थिक, राजनीतिक, सांस्कृतिक समस्याहरु केलाउँदै केन्द्र सरकारमा रहेर जनतासँग प्रत्यक्ष जोडिएका एजेण्डाहरु घनिभूत रुपमा उठाउने नेतृ चौधरीको योजना छ ।