'रनअप' मा डा. सिके राउत, एक दिनमा ७ वटा चुनावी सभा सम्बोधन गर्दै

न्यूज ब्यूरो, जनकपुरधाम । मधेशमा उदय हुन थालेको जनमत पार्टीका अध्यक्ष डा. सीके राउतले सोमबार दिनभरीमा ७ वटा चुनावी सभालाई सम्बोधन गर्ने भएका छन् ।

धनुषा जिल्लाको चारवटै निर्वाचन क्षेत्रमा ६ वटा चुनावी सभा र महोत्तरीमा एउटा गरी सातवटा चुनावी सभालाई सम्बोधन गर्ने पार्टीले जनाएको छ ।

जनमत पार्टीका नेता बीपी साहका अनुसार डा।राउतले सोमबार विहान ७ बजे महोत्तरी ४ (क) को श्रीपुरमामा सम्बोधन गर्नेछन् । उनका अनुसार धनुषा निर्वाचन क्षेत्र नम्बर ३ को बहुर्वामा विहान ८ः३० बजे र बेरिया बजार मुखियापटी मुसरनियामा १० बजे डा. राउतले सम्बोधन गर्नेछन् ।

यसैगरी, धनुषा निर्वाचन क्षेत्र नंं १ को सबैला बजार (अस्पताल छेउ) मा दिउँसो १२ः३० बजे र हंसपुर नगरपालिको सुगानिकास बजारमा २ बजे डा. राउतले विशाल जनसभालाई सम्बोधन गर्ने नेता साहले बताए ।

यसैगरी, धनुषा निर्वाचन क्षेत्र नम्बर २ को डुमरियामा ३ बजे र धनुषा निर्वाचन क्षेत्र नम्बर ४ को सिंगरजोडामा ५ बजे डा. राउतले सम्बोधन गर्नेछन् ।
यसैगरी मंगलबार डा.राउतले सिरहा जिल्लाको विभिन्न स्थानमा चुनावी सभालाई सम्बोधन गर्नेछन् ।