धनुषा २ मा गठबन्धनका रामकृष्ण र सँजय साहको पल्ला भारी

न्यूज ब्यूरो, जनकपुरधाम । धनुषाको निर्वाचन क्षेत्र नम्बर २ मा प्रतिनीधिसभा सदस्यको लागि नेपाली काँग्रेसका रामकृष्ण यादव र प्रदेशसभाको लागि सँजय कुमार साहको पल्ला भारी देखिएको छ ।

तीन दलिय गठबन्धन भएपछि साँझा उम्मेदवारी भएको प्रतिनीसिभामा यादव र निर्वाचन क्षेत्र नं. २ (क) को लागि प्रदेश साँसद उम्मेदवार सँजय साहको पल्ला भारी देखिएको छ ।

निर्वाचन क्षेत्र नं. २ मा पर्ने स्थानीय तहहरुमा नेपाली काँग्रेसको सँगाठनको मत मोटो रहेको छ भने माओवादी केन्द्र र लोसपाले समेत सघाउने भएपछि झन बलियो देखिएको छ ।

स्थानीय तहको नतिजामा नेपाली काँग्रेसको मत समेत भारी भरकम रहेको बेला तीन दलको गठबन्धनपछि रामकृष्ण यादवको साथै प्रदेश साँसद सँजय साहको समेत पल्ला भारी देखिन थालेको छ ।

नेपाल कम्यूनिष्ट पार्टी (माओवादी केन्द्र), नेपाली काँग्रेस र लोकतान्त्रिक समाजवादी पार्टी (लोसपा) का साँझा उम्मेदवार प्रतिनीधिसभाका रामकृष्ण यादव र (क) को लागि प्रदेश साँसद सँजय कुमार साहको पल्ला भारी देखिन थालेको हो ।

धनुषा निर्वाचन क्षेत्र नम्बर २ मा माओवादीको पक्कड पनि बलियो रहेको छ । लोसपाको पक्कड मध्यम भएपनि सँजय साहको व्यक्तिगत पक्कड बलियो रहेको छ । गठबन्धनको हिसाबले अन्तरर्घात नगरिए पल्ला भारी नै रहने दाबी उम्मेदवार रामकृष्ण यादव गर्छन् ।

सोही क्रममा घरदैलो कार्यक्रममा रहेका प्रदेश साँसदका उम्मेदवार सँजय कुमार साहले यस क्षेत्रमा पुरानो अनुहारले जितेर गएपछि केही नगरिदिँदा जनताले नयाँ अनुहारको खोजी गरिरहँदा आफूलाई चुन्ने दाबी गरे ।

आईतबार धनुषाको जनकनन्दिनी गाउँपालिकामा घरदैलो गर्दै प्रदेश साँसदका उम्मेदवार सँजय साहले गठबन्धनको हिसाबले आफू बलियो रहेको दाबी गरे ।

सो क्षेत्रको शहिदनगर नगरपालिका, कमला नगरपालिका, जनकनन्दिनी गाउँपालिका, विदेह नगरपालिका, औरही गाउँपालिका, हँसपुर नगरपालिकामा नेपाली काँग्रेसको सँगठन बलियो रहेको छ ।

धनुषा निर्वाचन क्षेत्र नम्बर २ मा पूर्वमन्त्री एवम् तत्कालिन प्रतिनीधिसभा सदस्य एमालेका उम्मेदवार उमाशँकर अरगरिया, प्रदेश साँसद उम्मेदवार लखन दास, जसपाका प्रतिनीधिसभा सदस्य गँगाराम यादव लगायतका उम्मेदवारहरु पनि सो क्षेत्रमा पल्ला भारी भएको उम्मेदवार मानिन्छन् । तर, बेग्ला बेग्लै उम्मेदवारी भएपछि भोँट बाँडिने सम्भावना उत्तिकै बढेपछि तीन दलको गठबन्धनले फाईदा उठाउने सँकेत देखिएको छ ।