डिजे घन्काउँदै किशोरी नचाएर एमाले- जसपाका उम्मेदवार डा. बिरेन्द्र महतोको घरदैलो

न्यूज ब्यूरो, सिरहा । नेपाल कम्यूनिष्ट पार्टी (एमाले) र जनता समाजवादी पार्टी गठबन्धनका उम्मेदवार डा. बिरेन्द्र प्रसाद महतोले निर्वाचन आचार संहितालाई खिल्ली उडाउँदै चुनावी प्रचार प्रसार गरिरहेको पाइएको छ ।

सिरहा जिल्लाको निर्वाचन क्षेत्र नम्बर ४ बाट एमाले जसपाका प्रतिनीधिसभा सदस्यका सँयुक्त उम्मेदवार डा. बिरेन्द्र प्रसाद महतोको घरदैलो कार्यक्रममा १६ बर्षमुनिका किशोरीहरुलाई नचाउँदै नियम विपरित डिजे बाजा घन्काएर घरदैलो गरेका छन् ।

शनिबार सिरहाको कर्जन्हा नगरपालिका वडा नम्बर १ स्थित विभिन्न वस्तीमा गरिएको घरदैलो कार्यक्रममा १६ बर्षमुनिका किशोरी (विद्यार्थी) हरुलाई नचाउँदै चर्को स्वरमा डिजे घन्काएर घरदैलो गरेको हो ।

निर्वाचन आयोगले चर्को स्वरमा डिजेमा प्रचार प्रसार गर्न, बालबालिका प्रयोग गर्न नपाउने आचारसंहिता जारी गरेपनि एमाले जसपाका उम्मेदवार डा. महतोले डिजे घन्काएर किशोरी नचाउँदै घरदैलो गरेका छन् ।

निर्वाचनसँग सम्बन्धित कुनै पनि गतिविधिमा बालबालिका प्रयोग गरिए ३ बर्ष कैद र ७५ हजार रुपैयाँ जरिवाना लाग्ने व्यवस्था निर्वाचन आयोगले गरेको छ ।