नरहा गापा अध्यक्ष यादव र वडाध्यक्ष अन्सारी आचारसंहिता उलंघन गर्दै चुनावी प्रचारमा

न्यूज ब्यूरो, सिरहा । निर्वाचनका प्रक्रियाहरू अगाडि बढिसकेको तथा निर्वाचन आचारसंहिता लागू भइसकेको अवस्थामा सबै दलहरु चुनावी प्रचार प्रसारमा होमिएका छन्।

सोही क्रममा मधेश प्रदेशको सिरहा जिल्लास्थित रहेको नरहा गाउँपालिकाका अध्यक्ष एवम् एक वडाध्यक्षले आचारसंहिता उलंघन गर्दै उम्मेदवारको प्रचारमा होमिएका छन् ।

निर्वाचन आचार संघियताको उल्लङ्घन गर्दै गाउँपालिका अध्यक्ष रामप्रमोद यादव (डमर) र वडा नं. ३ का वडाध्यक्ष रुस्तम अन्सारीले जसपाका उम्मेदवार बीरेन्द्र प्रसाद महतोको प्रचारमा होमिएका छन् ।

गत कार्तिक ३ गते जसपाद्वारा नरहा गाउँपालिका वडा नं ५ स्थित सल्हेश गहबरमा आयोजना गरिएको एक चुनावी कार्यक्रममा गाउँपालिका अध्यक्ष यादव र वडाध्यक्ष अन्सारीले निर्वाचन आचारसंहिता विपरित सहभागी हुँदै प्रचार प्रसार गरेको देखिएको हो ।

कार्यक्रममा निर्वाचित जनप्रतिनिधि निर्वाचन आचार संघियताको उल्लङ्घन गर्दै गाउँपालिकाका यादव र वडा नं ३ का वडा रुस्तम अन्सारी संलग्न भएको देखिएको छ।

कार्यक्रम पश्चात गाउँपालिका अध्यक्ष रामप्रमोद यादव र वडाध्यक्ष अन्सारी सहभागी भएको तस्विरहरु एमाले जसपाका उम्मेदवार महतोले आफ्नो आधिकारिक फेसबुक पेजमा समेत उक्त तस्विरहरु सार्वजनिक गरेका छन् ।

निर्वाचन आचारसंहिता २०७९ (पहिलो संशोधनसहित) को दफा ५ (क) मा नेपाल सरकार, प्रदेश सरकार, मन्त्री र स्थानीय कार्यपालिका तथा सोका पदाधिकारीले कुनै राजनीतिक दल वा उम्मेदवारको पक्ष विपक्षमा प्रचार प्रसार गर्न नपाउने व्यवस्था रहेको छ ।