छठको केरा बोकेको ट्रयाक्टर दुर्घटना, दुई जनाको मृत्यू

न्यूज ब्यूरो, जनकपुरधाम । छठ पर्वको लागि केरा बोकेर ल्याउँदै गरेको अवस्थामा ट्रयाक्टर पल्टिदाँ दुई जनाको मृत्यू भएको छ ।

सुनसरीको भन्टाबारीबाट छठ पर्वको लागि केरा बोकेर आउँदै गरेको ट्रयाक्टर सिरहामा दुर्घटना हुँदा दुई जनाको मृत्यू भएको हो ।

सिरहा जिल्लाको कल्याणपुर नगरपालिका वडा नम्बर १० स्थित रहेको नवकटोल गाउँ र प्रचिलबा गाउँको बिच बाटोमा बिहान ५ बजे केरा बोकेको ट्रयाक्टर दुर्घटना हुँदा कल्याणपुर नगरपालिका वडा नम्बर ४ बस्ने महेश यादव र महुलिया बस्ने कमल यादव नामक व्यक्तिको मृत्यू भएको जनाइएको छ ।

यस घटनाको बारेमा अनुसन्धान थालिएको तथा थप विवरण आउन बाँकी रहेको प्रहरीले जनाएको छ ।