मोटरसाईकल दुर्घटना हुँदा एक युवकको मृत्यू, ३ घाईते

न्यूज ब्यूरो, सिरहा । सिरहा जिल्लाको मिर्चैयास्थित मोटरसाईकल दुर्घटना हुँदा एक युवकको मृत्यू भएको छ भने तीन जना घाईते भएका छन् ।

बुधबार दिउँसो करिब १ः३० बजेको समयमा सिरहाको मिर्चैया नगरपालिका वडा नम्बर ५ शँकरचोक स्थित दुई मोटरसाईकल एक आपसमा जुध्दा एक युवकको मृत्यू भएको हो ।

शँकरचोकस्थित उत्तरबाट दक्षिण तर्फ जाँदै गरेको स ८ प ३४५ नम्बरको मोटरसाईकल र दक्षिणबाट उत्तर तर्फ आउँदै गरेको प्रदेश २ ०१ ००१ प १६८२ नम्बरको मोटरसाईक एक आपसमा जुध्दा दुवै मोटरसाईकलमा सवार चार जना घाईते भएका थिए ।

दुर्घटनामा गम्भिर घाईते भएका मिर्चैया नगरपालिका वडा नम्बर ६ बस्ने स ८ प ३४५ नम्बरमा सवार रामेश्वर साहको छोरा बर्ष १९ को जीतेन्द्र साहको मृत्यू भएको जिल्ला प्रहरी कार्यालय सिरहाले जनाएको छ ।

जीतेन्द्रको उपचारको क्रममा मिर्चैयास्थित रहेको मँगलम अस्पतालमा मृत्यू भएको हो । अन्य तीन जनाको उपचार सोही अस्पतालमा भईरहेको प्रहरीले जनाएको छ ।