धनुषाः जसपाका पूर्व वडाध्यक्षहरु बागी, छाता छाडेर कलम छापलाई सघाउने

न्यूज ब्यूरो, जनकपुरधाम । जनता समाजवादी पार्टी (जसपा) नेपालबाट निवर्तमान वडाध्यक्षहरुले आफ्ना पार्टीका उम्मेदवारलाई छाडेर अन्य दलका नेतालाई सघाउने भएको छ ।

धनुषाको कमला नगरपालिकास्थित जसपाबाट जितेका पूर्व वडाध्यक्षहरुले यसपालीको चुनावमा कमल छापबाट उम्मेदवारी दिएका नेकपा (समाजवादी) पार्टीका उम्मेदवार रामचन्द्र झालाई सघाउने भएको छ ।

धनुषा निर्वाचन क्षेत्र नम्बर २ जसपाबाट उम्मेदवारी दिएका नेता गँगाराम यादवलाई उनीहरुले बायकट्ट गरी नेता रामचन्द्र झालाई सघाउने भएको छ ।

जसपाका नेताले टिकट वितरणमा घप्ला गरेको भन्दै असन्तुष्ट रहेका कमला नगरपालिकाका पूर्व वडाध्यक्षहरु धनेश्वर यादव, विशेश्वर यादव, राजकुमार यादव र राजेश्वर मरिक यादवका पक्षले नेता रामचन्द्र झालाई सघाउने भएको छ ।

यसअघिको २०७४ सालको चुनावमा रामचन्द्र झाकै नजिक रहेका यी वडाध्यक्षहरु रामचन्द्र झाकै नजिकी भएर निर्वाचित भएका थिए । २०७९ सालको चुनावसम्म रामचन्द्र झाबाट टाढिएपछि उनीहरुले पराजय बेहोर्नु परेको हो ।

आगामी मँसिर ४ गते हुने प्रतिनीधिसभा तथा प्रदेशसभा चुनावको लागि जसपाबाट प्रतिनीधिसभा सदस्यसमा गँगाराम यादव, प्रदेश साँसदको लागि पुनः शैलेन्द्र यादवले मनोयन दर्ता गराएका छन् ।

तर, पूर्ववडाध्यक्षहरुले भने शैलेन्द्र यादवलाई बायकट्ट गरी रामचन्द्र झाका उम्मेदवारलाई सघाउने भएको छ । गठबन्धनबाट प्रदेशसभा सदस्यको लागि उम्मेदवारी दिएका लोसपाका सँजय साहलाई भने फाईदा हुने भएको छ ।

यता, कमला नगरपालिका वडा नम्बर २ का जसपाबाट पूर्व वडाध्यक्ष धनेश्वर यादवले नेकपा (समाजवादी) पार्टीमा प्रवेश गरिसकेको जानकारी प्राप्त भएको छ । यद्यपी, उनले आफू जसपा नै रहेको र चुनावमा समाजवादीलाई सघाउने मात्र बताए ।