टिकटको लागि जसपा छाडेर काँग्रेसको शरणमा यादव

न्यूज ब्यूरो, जनकपुरधाम । उपेन्द्र यादव नेतृत्वको जनता समाजवादी पार्टी (जसपा) नेपाल मधेश प्रदेशका वरिष्ठ उपाध्यक्ष शेषनारायण यादव नेपाली काँग्रेसको शरण लिएका छन् ।

जसपाबाट टिकट नपाएर रिसाएका यादव नेपाली काँग्रेसको शरण लिएका छन् । उनले आफ्नो क्षेत्रबाट टिकट नपाएपछि उनले आजै नेपाली काँग्रेसमा प्रवेश गरेका छन् ।

यादवलाई धनुषा निर्वाचन क्षेत्र नम्बर ४ (क) बाट काँग्रेसले टिकट दिने भएपछि उनी जसपा छाडेर काँग्रेस प्रवेश गरेका हुन्। यादवसहित जसपाका प्रदेश कमिटीकै बजरंग यादव, डा( शत्रुघन यादव लगायतका नेता कार्यकर्ता पनि काँग्रेसको शरणमा पुगेका हुन् ।

जसपाका अध्यक्ष उपेन्द्र यादवले प्रतिगमन भनिएको एमाले पार्टीसँग सम्झौता गरी कम्युनिस्टमै पार्टी विलय हुन थालेपछि आफूहरु पार्टी परित्याग गरेर नेपाली काँग्रेसमा प्रवेश गरेको उनले बताए ।

यादवसहितका नेता कार्यकर्तालाई आजै काँग्रेसका सह महामन्त्री महेन्द्र यादवले आफ्नै निवास लक्ष्मीनियाँमा पार्टी प्रवेश गराएका हुन् । एक कार्यक्रमको आयोजना गरी उनले फूलमाला र अबिर लगाउँदै पार्टी प्रवेश गराएको हो ।