जनकपुरको एक पसलमा भिषण आगलगी, ३ घण्टापछि नियन्त्रणमा

न्यूज ब्यूरो, जनकपुरधाम । महाअष्टमीकै दिन जनकपुरको सोनामाई मन्दिर अगाडी भिषण आगलगी भएको छ ।

गएराती करिब १२ः३० बजेको समयमा जनकपुरधाम उपमहानगरपालिका वडा नम्बर २ कदमचोकस्थित रहेको एक पसलमा आगलगी भएको हो ।

कदचोकस्थित रहेको सोनामाई मन्दिरको ठिक सामुन्ने रहेको सानु गुप्ताको मोटर पार्टसको पसलमा भिषण आगलगी हुँदा लाखौँको क्षति भएको अनुमान गरिएको छ ।

गएराती जनकपुरको शक्तिपीठ राजदेवीमा बली प्रदान कार्यक्रम चलिरहँदा कदचोकमा पसल जलिरहेको थियो । समयमै आएको जनकपुरधाम उपमहानगरपालिकाको वारुण यन्त्रले झण्डै ३ घण्टामा आगो नियन्त्रणमा लिएको थियो ।

सो आगलगीमा एक जना मानिस पनि जलेर घाईते भएको जनाइएको छ । अहिले जिल्ला प्रहरी कार्यालय धनुषाको मुचुल्का टोली घटनास्थल पुगेर अनुसन्धान थालेको छ ।

सो आगलगीबाट के कतिको क्षति भएको तथा आगलगी कसरी भएको बारे अनुसन्धान थालिएको हो । दमकल, प्रहरीको सहयोगमा आगो नियन्त्रणमा लिएको हो ।