स्थानीय सरकार मौन हुँदा जीर्ण अवस्थामा रहेको पार्क युवाहरूद्वारा सरसफाई

न्यूज ब्यूरो, सिरहा। स्थानीय सरकारको चासो नहुदाँ लामो समय देखि जीर्ण अवस्थामा रहेको नरहा गाउँपालिका वडा नं ३ स्थित नयाँ चोहर्वाको खुल्ला पार्क स्थानीय युवाहरू र समुदाय प्रहरीको साझेदारीमा सरसफाई सम्पन्न गरिएको छ।

दशैँमा हिन्दु धर्मावलम्बीहरुको अराध्य देवी दुर्गाको आगमन भएको भन्दै नरहा गाउँपालिका वडा नं ३ स्थित नयाँ चोहर्वामा रहेको खुल्ला पार्क सरसफाई गरिएको छ ।

वडा दशैंको अवसर पारेर देवी दुर्गाको आगमन हुने भन्दै खुल्ला पार्क सरसफाई गरिएको हो ।

सरसफाईको लागि बिहानैदेखि स्थानीय युवाहरू, समाजसेवी, स्थानीय, विद्यार्थी, प्रहरी, सुरक्षा निकायका व्यक्तिहरूले पार्कको फोहोर सरसफाई गरेको हो ।

सरसफाईको लागि इलाका प्रहरी कार्यालय मिर्चैयाको समुदाय प्रहरी र स्थानीय युवाहरूको साझेदारीमा सर सफाई कार्यक्रम आयोजना गरिएको थियो।