जनकपुरः मसाला कुटने खल प्रहार गरी काकाले गरे भतिजोको हत्या !

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित काकाले आफ्नै भतिजोको हत्या गरेको खुलेको छ ।

धनुषा जिल्लाको क्षीरेश्वरनाथ नगरपालिका वडा नम्बर ५ कुचाईटोलस्थित बस्ने अन्दाजी बर्ष २८ को काका रवि पासवानले ४ बर्षिय भतिजो अनुस पासवानको हत्या गरेको बताइएको छ ।

गाउँघरमा मसाला कुटने खलको लोरहो प्रहार गरी भतिजोको हत्या गरेको स्थानीयहरुले जनाएका छन् । मानसिक सन्तुलन ठिक नरहेको रबिले आफ्नै भतिजोलाई खल प्रहार गरी मारेको स्थानीयहरुले बताएका छन् ।

स्थानीय किशन पासवानको छोरा अन्दाजी वर्ष ४ को अनुस पासवानलाई घरमा कोही नभएको अवस्थामा खल प्रहार गरी मारेको बताइएको छ ।

मानसिक सन्तुलन विगरेको रबि पासमान घर भित्र कोइ नभएको बेला हत्या गरी आफै प्रहरी चौकीमा पुगेको प्रहरीले जनाएको छ ।

मानसिक सन्तुलन विग्रेको रवि यसअघि एक बाख्रा र एक कुकुरलाई समेत धारिलो हतियार प्रहार गरी मारेको बताईएको छ ।

यता, ईलाका प्रहरी कार्यालयका प्रहरी निरिक्षक वेचन यादवका अनुसार यो विषयमा अनुसन्धान भइरहेको जनकारी दिए ।

खल प्रहारबाट गम्भिर घाईते भएका अनुसको उपचारको क्रममा महेन्द्रनगरस्थित नै मृत्यू भएको जनाइएको छ । रविलाई पक्राउ गरी अनुसन्धान थालिएको हो ।