रेल चढेर कार्यक्रम स्थलमा केपी ओली

न्यूज ब्यूरो, जनकपुरधाम । पूर्व प्रधानमन्त्री एवम् नेकपा एमालेका अध्यक्ष केपी शर्मा ओली रेलमार्गबाट कार्यक्रम स्थल पुगेका छन् ।

काठमान्डौँबाट साढे ११ बजे जनकपुरधाम हवाईमार्गबाट आएका ओलीले रेलबाट कार्यक्रमस्थल धनुषाको तिनकोरिया पुगेका हुन् ।

जनकपुरधामस्थित रेल्वे स्टेशनमा रेल चढी धनुषाको महिनाथपुर स्टेशनमा ओर्लेका ओली गाडीबाट कार्यक्रमस्थल पुगेका हुन् ।

ओलीसँगै नेकपा एमालेका नेताहरु समेत रेल चढेर कार्यक्रममा पुगेका हुन् । ओलीसँगै रघुवीर महासेठ, नेतृ जुली महतो लगायतका नेताहरु रेल चढेर कार्यक्रम स्थलमा पुगेका हुन् ।

धनुषाको तिनकोरियाचोकस्थित आयोजना गरिएको पार्टी प्रवेश कार्यक्रम महिनाथपुर स्टेशनदेखि करिब ३ किलोमिटरको दुरीमा रहेको छ ।

आजको पार्टी प्रवेश कार्यक्रममा लोसपाका निवर्तमान प्रमुख सचेतक रहेका नेता उमाशँकर अरगरियाले विधिवत रुपमा एमाले प्रवेश गर्ने कार्यक्रम रहेको छ ।

धनुषाको विभिन्न गाउँ गाउँबाट हजारौँको सँख्यामा एमालेका कार्यकर्ताहरु गाडी, मोटरसाईकल, साईकलसहित पैदल समेत कार्यक्रम स्थल पुगेको हो ।