नागरिकता विधेयक प्रमाणीकरण गर्न राष्ट्रपतिलाई परमादेश माग गर्दै सर्वोच्चमा रिट

२०७९ असोज ६ बिहीबार
बेलुकी ५:५८ बजे
न्यूज ब्यूरो, डेस्क

न्यूज ब्यूरो, सिरहा । राष्ट्रपति विद्यादेवी भण्डारीले नागरिकता विधेयक प्रमाणीकरण गर्नुपर्ने माग गर्दै सर्वोच्च अदालतमा रिट दायर भएको छ।

अधिवक्ता सुनिलरञ्जन सिंह, सागर बराल लगायतका पाँच जनाले छुट्टाछुट्टै रिट दायर गरेका हुन्।

रिटमा राष्ट्रपति भण्डारीलाई नागरिकता विधेयक प्रमाणीकरण गर्ने परामदेश माग गरिरहेको सर्वोच्च अदालतका प्रवक्ता विमल पौडेलले जानकरी दिए। रिटमा भोलि सुनुवाइ हुनेछ।

राष्ट्रपति भण्डारीले संघीय संसदका दुवै सदनबाट पारित भएर दोस्रो पटक शितलनिवास पुगेको नागरिकता ऐनलाई संशोधन गर्न बनेको विधेयक प्रमाणीकरण गर्न अस्वीकार गरेकी थिइन्।

संविधानको धारा ११३ मा राष्ट्रपतिले संघीय संसदबाट एक पटक पारित भएको विधेयक पुर्नविचार गर्न फिर्ता गर्न सक्ने व्यवस्था छ।

तर सोही धाराको उपधारा ४ मा संघीय संसदले पारित गरेर दोस्रो पटक पठाएमा राष्ट्रपतिले अनिवार्य प्रमाणीकरण गर्नुपर्ने व्यवस्था छ।

राष्ट्रपति भण्डारीले संविधानको सोही धारा उल्ङघन गर्दै विधेयक प्रमाणीकरण गर्न अस्वीकार गरेकी थिइन्।


  • 0%
  • 0%
  • 0%
  • 0%
  • 0%
  • 0%

धनुषा क्षेत्र नं. २ मै प्राइभेटमा खजुरीको न्यू लाईफ भिजन स्कूलमा +2 सँचालन 

  • २०७९ असोज ६ बिहीबार

न्यूज ब्यूरो, जनकपुरधाम । पूर्वी धनुषाको खजुरीस्थित सँचालनमा रहेको न्यू लाईफ भिजन स्कूलले +2 कक्षा सँचालन गर्ने अनुमति पाएको छ ।  धनुषा निर्वाचन क्षेत्र नम्बर २ भरिमै खजुरीको न्यू लाईफ भिजन

पूरा पढ्नुहोस्

Bureau Menus