जनकपुरमा मोटरसाईकल दुर्घटना हुँदा एक युवकको मृत्यू

न्यूज ब्यूरो,जनकपुरधाम । मधेश प्रदेशको राजधानी जनकपुरधामस्थित मोटरसाईकल दुर्घटना हुँदा एक युवकको मृत्यू भएको छ ।

धनुषा जिल्लाको क्षीरेश्वनाथ नगरपालिका वडा नम्बर १ रमदैया भवाडीस्थित मोटरसाइकल दुर्घटना हुँदा चालकको मृत्यु भएको प्रहरीले जनाएको छ ।

जनकपुरधामबाट महेन्द्रनगर जाँदै गरेको प्रदेश २–०२–००३ प ५८०१ नम्बरको मोटरसाइकल अनियन्त्रित भई पल्टिएर चालकको मृत्यु भएको प्रहरीले जनाएको छ ।

दुर्घटनामा जनकपुरधाम उपमहानगरपालिका वडा नम्बर १६ का ३० वर्षीय माधव श्रेष्ठको मृत्यु भएको धनुषाका प्रहरी नायव उपरीक्षक प्रदीप बहादुर क्षेत्रीले जानकारी दिए ।

मृतक श्रेष्ठको शवलाई पोष्टमार्टमको लागि जनकपुरको प्रादेशिक अस्पतालमा राखिएको जिल्ला प्रहरी कार्यालय धनुषाले जनाएको छ । मोटरसाईकल प्रहरीको नियन्त्रणमा राखिएको छ ।