जनकपुरमा माता राजदेवी पूजाको लागि १६ वटा समिति , 'ठेहा' को जिम्मेवारी साहलाई

न्यूज ब्यूरो, जनकपुरधाम । प्राचीन मिथिलाका राजा जनककी कुल देवी मानिएको माता राजदेवी पूजनको लागि यसपाली १६ वटा समिति गठन भएको छ ।

माता राजदेवी पूजनको लागि महावीर युवा कमिटिले विभिन्न १६ कमिटिको लागि सँयोजक चयन गरेको छ । दशैँभरि पूजा व्यवस्थापनको लागि सो समितिहरु गठन गरिएको हो ।

प्रत्येक वर्ष धुमधामको साथ मनाइने राजदेवी मन्दिरमा पूजादेखि लिएर बली प्रदानसम्मको लागि विभिन्न १६ वटा समितिको लागि सँयोजक चयन गरिएको हो ।

महाविर युवा कमिटीका अध्यक्ष वलराम साहको अध्यक्षतामा बसेको ५४ औं साधारण सभाबाट विभिन्न १६ वटा संयोजक चयन गरिएको जनाएको छ ।

गत भदौ १८ गते बसेको साधारण सभाले मूल पुजा संयोजकमा अजित शर्मालाई चयन गरिएको छ । त्यस्तै, ठेहा संयोजकमा विजय साहलाई चयन गरिएको हो ।

पूजाको लागि सुरक्षा समिती संयोजकमा रवि शर्मा, भजन संध्या संयोजकमा रंजन जयसवाल, खोइच भराइ संयोजकमा बलराम साह, भव्य श्रृंगार संयोजकमा सुनिल साह, विज्ञापन एवं महाप्रसाद संयोजकमा दिपक गुप्ता र विजय जुलुस संयोजकमा शम्भु साह चयन भएका छन ।

त्यस्तै, रावण बध कार्यक्रम संयोजकमा प्रदिप साह,नारियल एवं प्रसाद संयोजकमा आकाश राय, सर–सफाई संयोजकमा सुनिल राउत, मेला व्यवस्थापन संयोजकमा विजय साह, लाइन व्यवस्थापन संयोजकमा शशी साह,पार्क व्यवस्थापन संयोजकमा गणेश साह, पानी संयोजकमा संतोष शर्मा र खाना संयोजकमा संतोष साह चयन भएका छन् ।