सिरहाको मिर्चैयामा विद्यार्थी कुटेपछि अवस्था तनावग्रस्त !

न्यूज ब्यूरो, सिरहा । सिरहाको एक निजी विद्यालयमा खाना राम्रो नभएको गुनासो गर्दा विद्यार्थी कुटिएका छन् ।

सिरहाको मिर्चैयामा अवस्थित ह्वाइट हाउस स्कूलमा होस्टेल बस्ने विद्यार्थीले खाना राम्रो नभएको गुनासो गर्दा विद्यार्थी कुटिएका हुन् ।

विद्यार्थीहरुले आइतबार राति खाना नभएको गुनासो गर्दा विद्यार्थी र विद्यालय सञ्चालकहरुबीच घम्साघम्सी परेको थियो । त्यसपछि आज बिहान त्यहीँ निहुँमा शिक्षकले विद्यार्थीलाई निर्घात कुटेका हुन् ।

शिक्षकको कुटाइबाट एकजना विद्यार्थी घाइते भएका छन् । उनको मिर्चैयास्थित एक अस्पतालमा उपचार गरिएको छ । विद्यालयको ज्यादतीविरुद्ध विद्यार्थीहरु आन्दोलनमा उत्रिएका छन् ।

विद्यार्थी कुट्ने शिक्षक श्रवण साह प्रहरीको नियन्त्रण रहेकोे इलाका प्रहरी कार्यालय मिर्चैयाका डीएसपी हरिबहादुर ओलीले बताए ।

मिर्चैयाका अधिकांश विद्यालयमा होस्टेलमा बस्ने विद्यार्थीलाई पशु सरह गुणस्तरहीन खानेकुरा दिने गरिएको छ ।