कामै नगरी भुक्तानी भएको भन्दै धनौजीका हाकिमलाई लोसपाले बुझायो ज्ञापन

न्यूज ब्यूरो, जनकपुरधाम । धनुषाको धनौजी गाउँपालिकाका प्रमुख प्रशासकीय अधिकृत मार्फत गाउँपालिका अध्यक्षलाई ज्ञापन पत्र बुझाइएको छ ।

लोकतान्त्रिक समाजवादी पार्टी (लोसपा) नेपालबाट गाउँपालिका अध्यक्षका प्रत्यासी जीवेन्द्र झाको अगुवाईमा प्रमुख प्रशासकीय अधिकृत रामकिशोर महतो र गाउँपालिका अध्यक्षलाई मार्फत ज्ञापन पत्र बुझाइएको हो ।

आर्थिक बर्ष २०७८/०७९ को बजेटमा कामै नगरी विभिन्न योजनाहरुको भुक्तानी भएको भन्दै त्यसको छानबिनको लागि अधिकृत र गाउँपालिका अध्यक्षलाई ज्ञापन पत्र बुझाएको हो ।

युवा नेता झाको अगुवाईमा गएको एक टोलीले अधिकृत महतो र गाउँपालिका अध्यक्ष राजकुमार साहलाई ज्ञापन पत्र बुझाएको हो ।

यसअघिका प्रमुख प्रशासकीय अधिकृत सावन चौधरी हुँदा विभिन्न योजनाहरुको भुक्तानी विना विधिपूर्वक गरिदिएको जनगुनासो आएपछि ज्ञापन पत्र बुझाएको हो ।