गैर आवासीय मधेशी संघको १२ वर्ष, ४५ देशमा २ लाख अधिक मधेशी सदस्य

न्यूज ब्यूरो, जनकपुरधाम । विश्वभरि छरिएर रहेका मधेशीहरुको सहयोगी र छाता सँगठन गैर आवासीय मधेशी सँघ (NRMA) ले आफ्नो १२ औं स्थापना दिवस मनाइरहेको छ ।

बिश्वभरि रहेका मधेशीहरुलाई संगठित गर्दै मधेश र मधेशीको हकहितमा काम गर्ने छाता संगठनको रूपमा गैर आवासीय मधेशी संघको स्थापना ८ सेप्टेम्बर २०१० मा भएको बेलादेखि नै विदेशमा रहेका मधेशीहरुको लागि सँजीवनीको रुपमा काम गर्दै आएको छ ।

संस्थापक अध्यक्ष डा. सीके राउत रहेको संघमा संस्थापक उपाध्यक्ष ई. बसन्त कुशवाहा २ कार्यकालदेखि अध्यक्षमा रहेका थिए । हाल २०२१ को कार्य समितिमा अन्तर्राष्ट्रीय अध्यक्ष ई. शम्भुनाथ साह छन भने ४ जना उपाध्यक्ष रहेका छन । ई. संजय कर्ण, डा. रविन्द्र कान्त मंडल, ई. धिरज कुमार साह, ई. अविशेक झा रहेका छन । त्यसैगरि १ जना महासचिव डा. श्याम बाबु महतो रहेका छन भने ४० जना सदस्य रहेका छन ५ जना सलाहकार समेत रहेका छन ।

मलेसिया र मध्यपूर्वका देशहरुमा सँघका सदस्यहरुको बाक्लो उपस्थिति रहेको छ। यी देशहरुमा एरिया र कैम्प सम्म समितिहरु बिस्तार समेत गरेका छन्। एनआरएमएले अन्तर्राष्ट्रीय मंचहरुमा रंगभेद विरूद्ध आवाज़ उठाउदै आईं रहेको छ। मधेश र मधेशीको हकहितका लागी बिभिन्न कार्यक्रमहरु गर्दै आई रहेको छ।

मधेशी बाहुल्य देशहरुमा मधेशका पर्व त्योहारहरु मनाउदै प्रवासमा पनि आफ्नो सभ्यता र सांस्कृतिको संरक्षण गर्दै आई रहेको छ। त्यस्तै एनआरएमएले मधेशमा हुने गरेको प्राकृतिक प्रकोप जस्तै बाढी, भूकम्पका बेला प्रवासबाट सहयोग, राहत तथा निःशुल्क उपचार सेवाहरु प्रदान गरेका छन्।

मधेशको विकासका लागी यस संगठनले खोज र अनुसंधान समेत गर्दै आई रहेको छ। त्यस अन्तर्गत आधुनिक कृषि, औद्योगिकरण, पर्यटन, बैंकिंग, फ्री जोन एफ़डीआई, सौर्य ऊर्जा, वातावरण संरक्षण इत्यादिका क्षेत्रमा उपलब्धि हासिल गरेका छन्, जुन आउने दिनमा मधेशमा लागू गर्ने लक्ष्य राखेको छ।

त्यस्तै, एनआरएमएले प्रवासमा रहेको सबै मधेशीहरुलाई एउटा छाता संगठनभित्र एकबद्ध गर्दै हरेक किसिमको सहयोग उपलब्ध गराउदै आईरहेको छ। आर्थिक सहयोगदेखि रोज़गार सम्बन्धी समस्या, बिदेशी क़ानूनी समस्या आदिमा समेत संगठनले सहयोग जारी राखेको छ।

यसका साथै, बिदेशी भूमिमा दुर्घटनामा परेका, जेल परेका, मृत्यु भएका समस्यामा समेत एनआरएमएले समस्या समाधानका लागी बिशेष पहल गर्दै आएको छ।

खास गरी विश्यब्यपी कोरोना महामारीको समयमा एनआरएमएले हरेक देशमा छुटै उप(समिति मार्फ़त सहयोग र समन्वय जारी राखेको थियो। कोरोनाका कारण देश लगायत बिदेशमा थुप्रै कम्पनीहरु बन्द भएका छन्। जसका कारण हज़ारौको संख्यामा मधेशीहरु समस्यामा परेका छन्।यिनीहरुलाई संगठनले राय, सल्लाह र उद्धारमा सक्रिय भूमिका निर्वाह गरेको छ।

बिदेशी भूमिमा पनि गैर आवासीय मधेशी संघ एउटा सशक्त, संगठित र प्रभावकारी संगठनको रूपमा देखिएको छ। संगठनले आगामी दिनहरुमा मधेशमा आमूल सामाजिक, आर्थिक र राजनीतिक परिवर्तनका साथ अगाड़ी बढ़दै जानेछ, जनाइएको छ।