जसपाबाट चुनाव लडन मधेश प्रदेशका मुख्यन्यायधिवक्ता दिपेन्द्र झाले ठोके राजीनामा

न्यूज ब्यूरो, जनकपुरधाम । जनता समाजवादी पाटी (जसपा) नेपालबाट चुनाव लडनको लागि मधेश प्रदेशका मुख्य न्यायधिवक्ता दिपेन्द्र झाले राजीनामा ठोकेका छन् ।

मधेस प्रदेश गठन भएदेखि नै प्रमुख न्यायाधिवक्तामा नियुक्त भएका झा शनिबार नै जनता समाजवादी पार्टीमा प्रवेश गरी चुनाव लडने तयारी गरेका छन् ।

पत्रकार सम्मेलन गरी झाले आफू पदबाट राजीनामा दिएर जस पार्टीबाट चुनाव लडने ईच्छा जाहेर गरे । उनी आजै जसपामा विधिवत रुपमा रुपमा प्रवेश गर्न लागेको जनाइएको छ ।

जसपाका अध्यक्ष उपेन्द्र यादवले झा जलेश्वर स्थित पार्टी पैलेसमा पार्टी प्रवेश गराउने कार्यक्रम रहेकोे छ।

प्रमुख न्यायाधिवक्ता रहँदा झाले संघीय सरकारसित प्रदेशको अधिकार थुत्न निरन्तर कानुनी लडाइँ गरिरहे । उनकै सक्रियतामा सर्वोच्च अदालतमा मधेस सरकारले संघीय सरकारविरुद्ध करिब ८ वटा मुद्दा दर्ता गराएको थियो

झा महोत्तरीको क्षेत्र नम्बर ३ बाट प्रतिनिधिसभा निर्वाचन लड्ने तयारीमा छन् । झाले मुख्यमन्त्री राउतलाई भेटेर राजीनामा दिइसकेको र जसपा प्रवेशको तयारी भइरहेको बताए ।

मधेश सरकारको मुख्यमन्त्री र जसपाबाट बचाउको लागि उनी पदभन्दा पनि पार्टीगत रुपमा कार्य गर्दै आएका थिए । जसपा पार्टीप्रतिको वफादारीले उनलाई अन्त्यसम्म मुख्यन्यायधिवक्ताको पदमा बसाइहेको थियो ।

गत चुनावमा उनी महन्थ ठाकुरको पक्षमा प्रचार प्रसार गरी उनको लागि भोँट मागेका थिए । महन्थ ठाकुर नेतृत्वको पार्टीबाट उनले कुनै पद नपाएपछि रातारात तत्कालिन संघीय समाजवादी फोरमको तर्फबाट मुख्य न्यायधिवक्ताको पद पाएका थिए ।

विगत ५ बर्षदेखि उनीमाथि विभिन्न आरोप प्रत्यारोप लाग्दै आएको छ । मधेश सरकारको भ्रष्टाचार मुद्दाहरुमा झाले बचाउ गर्दै आएको आरोप समेत छ ।