युवा नेता झा र प्रत्यासी मेयर यादवको पहलले स्वास्थ्यचौकीमा भेलिन्टर

न्यूज ब्यूरो, जनकपुरधाम । महोत्तरी जिल्लाको बलवा नगरपालिकास्थित स्वास्थ्य सँस्थालाई विभिन्न स्वास्थ्य समाग्रीहरु हस्तान्तरण गरिएको छ ।

महोत्तरी जिल्लाको बलवा नगरपालिकाको बलवा स्वास्थ्य चौकीमा विभिन्न स्वास्थ्य समाग्रीहरु हस्तान्तरण गरिएको छ ।

समाजसेवी समेत रहेका युवा नेता उज्वल झा र जसपाबाट बलवा नगरपालिकाका प्रत्यासी मेयर डा. धीरेन्द्र प्रसाद यादवको सँयुक्त पहलमा सो समाग्री प्रदान गरिएको हो ।

नेपाल सरकारको स्वास्थ्य तथा जनसँख्या मन्त्रालयबाट भेन्टिलेटर, अक्सिजन सिलिण्डर, अक्सिजन रेगुलेटर, अक्सिजन सिलिण्डर साँचो, अक्सिजन कन्सन्ट्रेटर, पल्स अक्सीमिटर, सेनिटाईजर, मास्क, एन–९५ मास्क, ग्लोब्स लगायतका समाग्रीहरु हस्तान्रण गरिएको हो ।

बलवा नगरपालिकाकी उपप्रमुखको विशेष उपस्थितिमा स्वास्थ्यचौकी प्रमुखलाई सो समानहरु हस्तान्तरण गरिएको हो ।