स्व : प्रदिप गिरीको निधनमा कल्याणपुर नगरपालिकाद्वारा शोक बिदा

न्यूज ब्यूरो, सिरहा । नेपाली कांग्रेसका नेता एवं प्रतिनिधिसभा सदस्य प्रदीप गिरीको निधनमा सिरहाको कल्याणपुर नगरपालिकाले आज शोक बिदा दिएको छ।

कल्याणपुर नगरपालिकाका प्रमुख प्रशासकीय अधिकृत विष्णु रन्जन बरालद्वारा जारी सूचनामा नेता गिरीको निधनमा नगरपालिकाले शोक बिदा दिएको उल्लेख छ। नगरपालिकाले जारि गरेको सूचनामा नेता गिरीको निधन मिति २०७९ हुनुपर्ने ठाउँमा २०७२ भएको सामाजिक सञ्जालमा यस बारे चौतर्फी आलोचना भइरहेको छ ।

लहान नगरपालिका–१४ निवासी गिरीको निधनमा लहानले आइतबार सार्वजनिक बिदा दिएको थियो। भारतको मुम्बईमा क्यान्सरको उपचार गरेर फर्किएका गिरीको स्वास्थ्यमा समस्या देखिएपछि साउन दोस्रो साता मेडिसिटी अस्पताल नख्खुमा भर्ना गरिएको थियो।

उनको शनिबार राति उपचारकै क्रममा निधन भएको थियो।