गोप्य सूचनाको आधारमा चेकजाँच गर्दा एम्बुलेन्समा ९० किलो गाजा बरामद

न्यूज ब्यूरो, सिरहा। मधेश प्रदेश स्थित सिरहा जिल्लाको मुख्य सहर लहानमा एम्बुलेन्समा गाजा सहित एक जना पक्राउ परेको छ।

गोप्य सूचनाको आधारमा एक एम्बुलेन्सको चेकजाँच गर्दा ९० किलो गाजा बरामद भएको हो ।

इलाका प्रहरी कार्यालय लहानको डीएसपी कुमार प्रसाद मैनालीद्वारा खटाएको टोलीले जिल्ला ट्राफिक प्रहरी कार्यालय लहानको अगाडि पक्राउ गरेको छ। गाडी नम्बर को १ च ७५७७ चालक पक्राउ परेको छ।

एम्बुलेन्समै रहेको एक जना सहयोगी भागेको छ। अनुसन्धान जारी छ अन्य विवरण जिल्लाले दिने डीएसपी मैनालीले बताएका छन् ।

पक्राउ परेका चालक इलाका प्रहरी कार्यालयले नियन्त्रणमा राखी थप अनुसन्धान भइरहेको उक्त कार्यालयले जनाएको छ ।