२ महिनादेखि २४ सै घण्टा रुन्छिन कुमारी आमा 'निहारिका', पीडा सुन्दैनन काठमान्डौँ !

न्यूज ब्यूरो, काठमान्डौँ । “यो त हद भयो” भन्दै गत जेठ २७ गतेबाट न्यायको मागसहित आमरण अनशन सुरु गरेकी कुमारी आमा निहारिका राजपुतले अझै न्याय पाएका छैनन् ।

जेठ २७ गते पहिलो दिन काठमाडौंको माइतीघरमा २१ महिनाको बच्चासहित अनशनमा बसेकी निहारिका न्याय माग्दै निरन्तर विगत दुई महिनादेखि आमरन अनशनमा बस्दै आएकी छन् । निहारिका राजधानी काठमान्डौँको विभिन्न निकायको अगाडी अनशन बस्दै आएपनि उनले मागेको न्याय अझै पाउन सकेकी छैनन् ।

्रप्रहरीको ज्यादतीपछि पनि हिम्मत नहारेकी कुमारीआमा निहारिकाले चट्टान झैँ न्यायको लागि उभिएकी छन् । प्रहरीले प्रताडना दिए तैपनि उनी डराइनन्।

प्रहरीले माइतिघरबाट हटाएपछि जेठ २८ गतेदेखि बसन्तपुरमा उनले अनशन जारी राखेकी छिन्। “न्यायको प्रत्याभुति नभएसम्म अनशन तोड्ने छैन,” निहारिकाले भनिन्।

निहारिकाले आफ्नो बच्चाको डीएनए परीक्षण गर्न पाउनुपर्ने लगायतका माग राखेकी छन्। उनीसँगै अनशनमा छिन्, महिला अधिकारकर्मी ज्यास्मिन ओझा।

निहारिकाले न्याय नपाएसम्म अनशन नतोडिने उनले बताइन्। “प्रहरीले हिजो माइतीघरबाट खेद्यो, आज बसन्तपुरबाट पनि खेद्ने कुरा हुँदैछ। तर, जतिसुकै ज्यादती भएपनि यो अनशन यसै तोडिनेवाला छैन। निहारिकाको माग सरकारले सुन्नैपर्छ,” उनले अनशनस्थलबाटै भनिन्।

यी हुन् निहारिकाका मागहरुः

१. मेरो बच्चाको डीएनए टेस्ट गरिनुपर्‍यो। काखमा बच्चा बोकेर जिल्ला अदालतको अन्तिम फैसला कुरिरहँदा न्यायाधीशहरूले मेरो काखको बच्चा किन देखेनन्रु कुमारी आमाको काखको बच्चालाई लात हानेर अपराधीको पक्षमा फैसला गर्ने दुस्साहस न्यायाधीशलाई कसले दियोरु यसको निष्पक्ष छानबिन हुनुपर्‍यो।

२. उच्च अदालतमा चार महिनाअघि नै मुद्दा दर्ता गरे पनि अहिलेसम्म पेसी तोकिएको छैन। म र मेरो बच्चा मर्ने अवस्था आइसक्यो। न्यायलयले मेरो मृत्यु चाहेको हो ? उच्च अदालतले छिटोभन्दा छिटो पेसी तोकेर फैसला गरिदिनुपर्‍यो।

३. मेरो बलात्कारी खुलेआम हिँडिरहेको छ। प्रहरी प्रशासनले उसलाई पक्राउ गरेर पुनः अनुसन्धान गरिनुपर्‍यो।

४. घटनाको सुरुवातदेखि नै मेरो मुद्दालाई कमजोर बनाइएको छ। यस मुद्दालाई पुनः सुरुवातदेखि नै अनुसन्धान गरिनुपर्‍यो। हिजो मेरो फितलो अनुसन्धान गर्ने प्रहरी प्रशासन, प्रहरी अधिकृतहरू, काखको बच्चालाई मतलबै नगरी फैसला गरिदिने न्यायाधीश पनि अनुसन्धानमा तानिनुपर्‍यो। उनीहरूमाथि पनि छानबिन हुनुपर्‍यो।

५. मेरो २१ महिने बच्चाको लालनपालन, हेरचाह, स्वास्थ्योपचार, शिक्षा आदि आधारभूत कुराहरू राज्यले सुनिश्चित गरिदिनुपर्‍यो। जबसम्म मेरा यी मागहरू पूरा हुँदैनन्, जबसम्म मलाई न्यायको प्रत्याभूति हुँदैन। त्यतिन्जेलसम्म म मेरो अनशन तोड्ने छैन।