समाजवादी विद्यार्थी युनियनको सिरहा अध्यक्षमा साह

न्यूज ब्यूरो, सिरहा । जनता समाजवादी पार्टी (जसपा) नेपालको विद्यार्थी सँगठन समाजवादी विद्यार्थी युनियनको सिरहा जिल्ला अध्यक्षमा उमेश कुमार साहलाई चयन गरिएको छ ।

मँगलबार बसेको समाजवादी विद्यार्थी युनियनको मधेश प्रदेश समितिको बैठकबाट समाजवादी विद्यार्थी युनियनको जिल्ला अध्यक्षमा साहलाई चयन गरिएको हो ।

सिरहा जिल्लाको बरियारपट्टि गाउँपालिका वडा नम्बर १ बस्ने साह समाजवादी विद्यार्थी सँगठनमा निकै सक्रिया विद्यार्थी नेताको रुपमा चिनिदै आएका छन् ।

जनता समाजवादी पार्टीको राजनीतिमा समेत आफ्नो समय दिँदै आएका साहलाई जिल्लाको अध्यक्षको रुपमा चयन गरेपछि उनका शुभचिन्तकहरुले विभिन्न माध्यमबाट बधाई दिन थालेको छ ।