ईन्सपेक्टरको कल रेकर्ड लीकबारे प्रदेशको डिआईजी नै अनभिज्ञ

न्यूज ब्यूरो, जनकपुरधाम । मधेश प्रदेशस्थित नेपाल प्रहरीका एक ईन्सपेक्टरले मोटरसाईकल दुर्घटनाको मुद्दा मिलाउन एक जनासँग गरिएको बार्गेनिँगको कुराकानीको अडियो लीक भएको हप्तौ भएपनि कुनै छानबिन भएको छैनन् ।

धनुषा जिल्लाको ईलाका प्रहरी कार्यालय ढल्केवरका प्रहरी ईन्चार्ज एवम् ईन्सपेक्टर रामसागर सिँहले एक मोटरसाई दुर्घटनाको प्रकरण मिलाउन एक अज्ञात व्यक्तिसँग गरेको बार्गेनिँगको कल रेकर्डिँग लीक भएको हप्तौ भएको छ ।

केही दिनअघि ढल्केबरमा भएको दुर्घटनामा प्रहरीले रकमको चलखेल गरी मुद्दा मिलाउन खोजेको फोन कल रेकर्ड बाहिरिएपछि प्रदेशका डिआईजी नै अझै अनभिज्ञ रहेका छन्।

प्रहरीले ठक्कर दिने गाडी र चालकको ठाउँमा अर्कै गाडी र चालकलाई उपस्थित गराई मुद्दा मिलाउन गरिएको वार्तालाप बाहिर आएको छ । यसबारे प्रदेशका डिआईजी मसउद आलम खाँ अनभिज्ञता जनाएका छन् ।

ईलाका प्रहरी कार्यालय ढल्केरका प्रहरी निरीक्षक रामसागर सिंहले दुर्घटनाको मुद्दा मिलाउन एक जना व्यक्तिसँग गरिएको कुराकानीको अडियो फेला परेको बारे अहिलेसम्म कुनै जानकारी नभएको डिआईजी खाँले बताए ।

शुक्रबार बिहान न्यूज ब्यूरोको जिज्ञासामा डिआईजी खाँले सो घटनाबारे बुझन मात्र खोजे । उनले उजुरी शाखामा आएको हुनुपर्ने तथा आफूलाई थाहा नभएको प्रतिक्रिया दिए ।

अडियोमा उनले नक्कली गाडी र चालकलाई उपस्थित गराएर मुद्दा मिलाउन लागेको कुरा बाहिरिएपछि धनुषाका एसपी बसन्त रजौरेले भने छानबिन भईरहेको बताएका छन् ।

न्यूज ब्यूरोसँगको संक्षिप्त कुराकानीमा एसपी रजौरेले ईन्सपेक्टर सिँहमाथि छानबिन समितिले छानबिन सुरु गरेको बताए । उनले अडियो पुष्टि भए बिभागिय कारवाही हुने बताए ।

उनले फोन गर्ने व्यक्तिलाई चालक अनुमति पत्र भएको चालक र इन्स्योरेन्स भएको गाडी दर्ता गराइदिन भनेको छ । यस अनुसार उनले कुनै एक घटनाका असली दोषीलाई उम्काउन खोजेको प्रष्ट छ ।

‘लाइसेन्स र इन्स्योरेन्स भएको गाडी दर्ता गराइदिनु मुद्दा मिलाएर दुई दिनमा पेश गरिदिन्छु’ प्रहरी निरीक्षक सिंहले भनेका छन् इन्स्योरेन्स बाट जहिले पैसा आउँछ त्यो दिन दिने कागज गराएर चालकलाई छोडिदिन्छ ।

उनले अघि भनेका छन्, ‘चालकले प्रहरीले शंकाको आधारमा पक्राउ गरेको बयान लिनेछ । उनले न्यायाधीशप्रति इंगित गर्दै श्रीमान र सरकारी वकीलसँग सल्लाह गरेरै यो कुरा भनिरहेको छु भन्दै फोन गर्ने व्यक्तिलाई बताएका छन् ।

फोन गर्ने व्यक्तिले यो घट्नाले आफूलाई कलंक लाग्न सक्ने बताएपछि सिंहले केहि हुँदैन्, म सबै जिम्मेबारी लिन्छु ।

फोन गर्ने मान्छेले आफू यसअघि मधेश प्रदेशको भूमी, व्यवस्था तथा कृषि मन्त्रालयमा गाडी चलाउने काम गरिरहेको र त्यहाँ नपोसाएपछि राजमार्गमा हायस चलाउन आएको बताएका छन् ।

उनले आफू तत्कालिन तिलाठी कोइलाडी गाउँपालिकाका अध्यक्ष सतिश सिंहको मान्छे समेत भएको प्रहरी निरीक्षक सिंहलाई बताएका छन् ।

कुन दुर्घटनामा उनले गाडी र चालक पत्ता लगाउन खोजेका हुन् भन्ने कुरा खुलेको छैन् । वार्तालापमा उनी आफैंलाई रामसागर भनेर स्वीकार गरेपनि उनले आफूले यस्तो नबोलेको बताएका छन् ।

ढल्केवरका ईन्सपेक्टर रामसागर सिँहले अडियोमा बोलेको आवाज आफ्नो नरहेको पनि बताएका छन् ।

यता, डिआईजी खाँ ले के कस्तो अडियो रहेको बारे अनुसन्धान अगाडी बढाउने प्रतिवद्धता जाहेर गरे ।