अहिले पनि टुकी बाल्दै आएका एक असहाय परिवारलाई शिक्षक मण्डलले जोडिदिए बिजुली बत्ति

न्यूज ब्यूरो, जनकपुरधाम ।अति विपन्न एवम् असहाय परिवारलाई एक समुदायिक विद्यालयका शिक्षकले घरममा बिजुली लगाइदिएका छन् ।

धनुषाको शहिदनगर नगरपालिका वडा नम्बर ४ ननुपट्टि बस्ने विपन्न दिलबन्धु मण्डल गाउँमा बिजुली आएको बर्षौ भएपनि अहिलेसम्म उनको घरमा मट्टितेलको टुकी चल्दै आएको थियो ।

मण्डलको बारेमा थाहा पाएपछि धनुषा शहिदनगर नगरपालिका वडा नं. ४ ननुपट्टि बस्ने शिक्षक जय कुमार मण्डलले उनको घरमा बिजुली बत्ति जोडिदिएका छन् ।

आर्थिक अवस्था अत्यन्तै कमजोर रहेको मण्डलको दुई छोरी छन् । एक मानसिक रुपमले कमजोर रहेकी छन् । अति विपन्न मण्डललाई शिक्षक जयकुमार मण्डलले आफ्नो व्यक्तिगत खर्चबाट बिजुली मिटर जडान गरिदिएका छन् ।

बर्षौदेखि गाउँमा बिजुली भएपनि उनको घर भने अँध्यारो नै थियो । टुकीको भरमा जीवन बिताउँदै आएका मण्डलले बिजुली बत्ति पाएपछि अर्कै सँसार महसुस गरे । उनले शिक्षक मण्डलप्रति धन्यवाद प्रकट गरे ।

उनको बिजुली मिटरको लागि स्थानीय सँतोष कापरले समेत सहयोग गरेका थिए ।