करारका कर्मचारीहरुले मेयरको कुर्शी तोडे, एकको टाउको फोडे

न्यूज ब्यूरो, सिरहा । मधेश प्रदेशको सिरहा जिल्लास्थित एक स्थानीय तहको मेयरको कार्यकक्षमा तोडफोड गरिएको छ ।

सिरहाको गोलबजार नगरपालिकामा बिहिवार नगर प्रमुखको कार्यकक्षमा तोडफोड गरिएको हो ।

करारका कर्मचारीहरुलाई हटाउने सूचना निकालेपछि आन्दोलनरत करारका कर्मचारीहरुसँगै आएको केही राजनीतिक दलका प्रतिनीधिहरुले मेयरको कार्यकक्षमा तोडफोड गरेको हो ।

शान्तीपूर्ण आन्दोलन भनिएको सो क्रममा सिटी बजाउँदै करारका कर्मचारीहरुसहित माओवादीका केही कार्यकर्ताहरुले मेयर श्याम कुमार श्रेष्ठको कार्यकक्षमा पसेर जिन्सी समानहरु तोडफोड गरेको हो ।

मेयर श्रेष्ठको कार्यकक्षमा पसेर ढुँगामुढा गर्नुको साथै कार्यकक्ष बाहिर राखिएको कुर्शीहरु समेत तोडफोड गरिएको हो ।

करारबाट हटाउन थालिएको भन्दै आक्रोसित आन्दोलनरत करारका कर्मचारीहरु सहित माओवादी कार्यकर्ताहरुले नेकपा एमाले समर्थित एक कार्यकर्ताको टाउको समेत फुटाएका छन ।

माओवादी कार्यकर्ताहरुले गरेको ढुङ्गा प्रहारबाट गोलबजार नगरपालिका वडा नम्बर ४ का स्थानीय ३६ बर्षय जितेन्द्र साफी घाइते भएको जिल्ला प्रहरी कार्यालय सिरहाले जनाएको छ ।

उनको उपचार स्थानीय स्तरमा भइरहे प्रहरीले जनाएको छ। माओवादी केन्द्रले गोलबजार नगरपालिका कर्मचारी निस्काशन गरेको भन्दै विरोधका विभिन्न कार्याक्रमहरु घोषणा गरेको छ।