जनकपुरमा अचेत भेटेका पुरुषको मृत्यू

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित अचेत अवस्थामा भेटिएका एक पुरुषको मृत्यू भएको खवर छ ।

सोमबार बिहान जनकपुरधाम उपमहानगरपालिका वडा नम्बर ४ माछा बजार चोक नजिक जनकपुरदेखि बसहिया जाने भित्री सडक खण्डमा सडकको पूर्बतर्फ सडक पेटीमा अचेत अवस्थामा फेला परेका अन्दाजी ४६ बर्षीय पुरुषको उपचारको क्रममा मृत्यु भएको प्रहरीले जनाएको छ ।

अचेत अवस्थामा फेला परेका ती व्यक्तिको उद्धार गरी स्थानीय र प्रहरीले उपचारका लागि प्रादेशिक अस्पताल पु¥याएका थिए । उनको उपचारकै क्रममा सोमबार साँझ मृत्यु भएको जिल्ला प्रहरी कार्यालय धनुषाले जनाएको छ ।

मृतक व्यक्तिको हालसम्म सनाखत हुन नसकेको भन्दै प्रहरीले कोही कसैको आफन्त वा छरछिमेकी भएमा जिल्ला प्रहरी कार्यालय धनुषाको अपराध अनुसन्धान शाखा तथा नजिकको प्रहरी कार्यालयमा सम्पर्क राख्न अनुरोध गरेको छ ।