जसपाबाट बाबुराम भट्टराई र महेन्द्र रायसहित ९ नेता पदमुक्त

न्यूज ब्यूरो, जनकपुरधाम । जनता समाजवादी पार्टी (जसपा) नेपालले आफ्नो ९ जना नेतालाई पदमुक्त गरेको छ ।

जनता समाजवादी पार्टी (जसपा) मा दोस्रो अध्यक्ष रहेका बाबुराम भट्टराईलाई समेत आजबाट पार्टीको साधारण सदस्य समेत नरहने गरी पदमुक्त गरिएको हो ।

जसपा निकट श्रोतको अनुसार वीरगँजमा जारी जसपाको बैठकबाट बाबुराम भट्टराई , हिसिला यमि, महेन्द्र राय यादव, रमेश यादव, प्रशान्त सिंह, दुर्गा सोब, गंगा नारायण श्रेष्ठ , भक्त बहादुर शाह र दान बहादुर चौधरीलाई पदमुक्त गरिएको हो ।

मधेश प्रदेशका मुख्यमन्त्रीका प्रेस सल्लाहकार रहेका नीजि सचिवालयका आतिश मिश्रले आफ्नो फेसबुकमा लेख्दै नौ जनालाई पदमुक्त गरिएको जनाएका छन् । यद्यपी यसको अधिकारीक पुष्टि भने हुन बाँकी छ ।