जनकपुर : श्रीमतीसँगको विवादमा गोली चलाउने युवक प्रहरी नियन्त्रणमा

न्यूज ब्यूरो, जनकपुर | श्रीमतीसँग घरायसी विवाद हुँदा एक युवकले रिसको झोँकमा गोली चलाउने युवकलाई पेस्तोलसहित धनुषा प्रहरीले पक्राउ गरेको छ ।

पक्राउ पर्नेमा जनकपुरधाम उपमहानगरपालिका वडा नम्बर ९ स्थित थापाचोकका ३७ वर्षीय मनिष अधिकारी रहेको धनुषा प्रहरीका प्रवक्ता समेत रहेका प्रहरी नायब उपरीक्षक प्रदीपबहादुर क्षेत्रीले जानकारी दिएका हुन् ।

सोमबार राति मनिषको घरको छतमाथि गोली चलेको सूचना प्राप्त भएपछि प्रहरी टोलीले घटनास्थलमा पुगेर घरको खानतलासी गर्दा भान्छा कोठामा लुकाई राखेको अवस्थामा गोली लोड गरेको म्याग्जिनसहित पेस्तोल फेला परेको उपरीक्षक क्षेत्रीले बताए ।

पक्राउ परेका अभियुक्त अधिकारीमाथि हातहतियार तथा खरखजाना मुद्दा शीर्षकमा म्याद थप गरी थप अनुसन्धान कार्य भइरहेको उनले जानकारी दिए ।