सरकारी गाडीमा ईन्जिनीयरको खँसी व्यापार

न्यूज ब्यूरो, जलेश्वर । मधेश प्रदेशको महोत्तरी जिल्लास्थित एक करारका ईन्जिनीयरले सरकारी गाडीमा खँसी ओसारपोसार गरेको देखिएको छ ।

खँसी बोकेर गौशाला बजार लग्दै गर्दा बीच बाटोमा सरकारी गाडीको दुरुपयोग गरेको भन्दै रोकाएर केही स्थानीयहरुले तस्विर खिचेका छन् ।

गौशाला बजारमा खसी बेच्न जाने क्रममा बा. २ ब. ४४२६ नम्बरको सरकारी मोटरसाइकलमा बीचमा खँसी र एक व्यक्ति खँसीलाई समातेर बसेको तस्विरमा देखिएको छ ।

सरकारले कर्मचारीलाई सरकारी गाडी कार्यालय आवतजावतमा सहजताका लागि प्रदान गरेको तथा सरकारी सवारीको दुरुपयोग गर्न नहुने प्रावधान रहेपनि ईन्जिनीयर पजियारले दुरुपयोग गरेको देखिएको छ ।

यसरी कर्मचारीले गाडीको दुरूपयोगले सरकारको नीतिनियम माथि प्रश्न सिर्जना भएको छ । सम्बन्धित निकायले यसप्रति चासो नदिएको पाइएको छ ।

जानकारी अनुसार, पजियार मधेश प्रदेशको रौतहटतर्फ ईन्जिनीयर पदमा कार्यरत रहेका छन् ।