जनकपुरः खेतमा धान रोप्दारोप्दै खेतमै ढले बेरस्पतीया सदा, छोराछोरी बेसाहारा

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित खेतमा काम गर्दा गर्दै एक व्यक्तिको मृत्यू भएको छ ।

धनुषा जिल्लाको मिथिलाबिहारी नगरपालिका वडा नम्बर २ बस्ने बेरेस्पतिया सदा (मुसहर) को धान रोप्दा रोप्दै खेतमै ढलेर मृत्यू भएको जनाइएको छ ।

मिथिला बिहारी नगरपालिका वडा नम्बर ६ स्थित साहुको खेतमा धान रोप्दा रोप्दै उनको अकालमै ज्यान गएको हो ।

उनको मृत्यू कसरी भएको बारे अझै खुल्न सकेको छैनन् । स्थानीयहरुका अनुसार भोकले गर्दा उनको मृत्यू भएको हुन सक्ने अनुमान गरिएको छ ।

आईतबार दिउँसो कडा गर्मीमा धान रोपिरहेका सदा अचानक खेतमै ढलेका थिए । उनलाई बाहिर निकाल्दा उनको मृत्यू भईसकेको थियो ।

यद्यपी, उनको मृत्यूको यथार्थ कारण भन्ने खुल्न सकेको छैनन् । उनको घरमा स–साना बच्चाहरु रहेकोले उनीहरु बेसाहारा भएका छन् ।

दिनभरि काम गरी एक छाक टार्दै आएका उनको परिवार बेसाहारा भएका छन् ।